Интернетийн эрх зүйн глобаль зохицуулалт

Тайванхүүгийн Алтангэрэл

Эрдэм шинжилгээний өгүүлэл

Мэдээллийн нууцлал & Цахим эрх зүй

ХХ-р зуунд хүн төрөлхтөн нэгэн том нээлт хийсэн нь шинэ орон зайг бий болгож амьдрах орон зайгаа “тэлсэн” явдал юм. Энэ шинэ орон зайг цахим орон зай (Cyberspace) гэх бөгөөд хүний оюуны бүтээл болсон тэр нь хүн төрөлхтөний амьдралд онцгой өөрчлөлт гаргаж, цаашид ч өнөөдөр санаанд оромгүй олон зүйлийг ч “нээж” өгч магад. Ямартаа ч өчигдрийн, өнөөдрийн цаг хугацаа, орон зайн ойлголтын тухай утга агуулга шинэчлэгдэн баяжиж, хүн хязгааргүйн үзүүрээс барьсан мэт, тэр нь цаашлаад оюуны эрх чөлөө рүү хөтлөх мэт санагдах юм. Бид материаллаг зүйлээс хамаарах нь багасч (наад зах нь цааснаас хамаарахаа больж, мөн тодорхой байр савгүй интернет банк, виртуаль шүүх гэх мэт юм бий болов!), бидний сонгодог ойлголтууд, нэршил зэрэг нь өөрчлөгдөх болж байна. Энэ бүхэн нь гэтэл ирээдүйн их өөрчлөлтийн гагцхүү эхлэл л аж. Ямартаа ч бид өнөөдөр шинэ эдийн засаг буюу New economy-ийн тухай ярьж, цахим мөнгөөр гүйлгээ хийж, цахим дуудлага худалдаанд оролцож, хялбар, хурдан, маш өргөн сонголт бүхий шинэ төрлийн „зах зээлд ороод байна“. Барьж болох, бодит биет бүхий ертөнц цахим сүлжээнд биет биш болж байгаа нь хамгийн энгийн жишээ юм. Тухайлбал бид бараа гэж биет зүйлийг ойлгож эрх зүйн хувьд тэгж л тодорхойлж мэддэг байсан бол өнөөдөр software буюу программ хангамж, mp3 буюу цахим дуу хөгжим худалдааны эргэлтэнд орж байгаа нөхцөлд барааны биет гэсэн утга агуулгыг ч өөрчлөх хэрэгтэй байна. Эсвэл, жишээ нь шуудангаар дамжиж гаалийн татвар энэ тэр гэхгүйгээр, интернет сүлжээгээр улс гүрэн дамнан худалдаанд орж буй программ хангамжаас хэрхэн татвар авах, аль улс авах, татвар давхардахгүй байх гэх мэт эдийн засаг болоод эрх зүйн ач холбогдол бүхий асуудал гарч байна.

интернет, цахим орчин, цахим орон зай, цахим дуудлага худалдаа, цахим ертөнц, хүний эрх

2002-10-29

3

Монгол

Бүрэн эхээр нь үзэх

2021-10-08

3908

86

Т.Алтангэрэл “Интернетийн эрх зүйн глобаль зохицуулалт” (2002), ... дахь/дэх тал. Legaldata-аас унших боломжтой: https://legaldata.mn/b/1063

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх