Зөрчлийн тухай хуулийн тусгай ангид заасан хүүхдийн эрхийг зөрчих зөрчлийн хэргийн гаралт, шийдвэрлэлт

Бямбажавын Өнөрмаа

Судалгааны тайлан

Зөрчил, Хүүхдийн эрх

Хүүхдийн эсрэг гэмт хэрэг, зөрчилийн үйлдэгдэх арга, хамрах хүрээ, орчин, нөхцөл, өөрийгөө хамгаалах чадваргүй байдал, эцэг, эх, асран хамгаалагчаас бүрэн хараат, хамааралтай байдал, учруулах хохирол зэргээс шалтгаалж, тухайн хэрэг, зөрчлийг илрүүлэх, шалгах ажиллагаа нь онцгой нөхцөл, мэргэжлийн байгууллагын туслалцаа, өндөр ур чадвар шаардахаас гадна тухайн гэмт хэргээс урьдчилан сэргийлэх онцгой арга, ажиллагааг шаардаж байна. Гэр бүлийн хүчирхийлэл, бага насны хүүхдийн халдашгүй байдлын эсрэг гэмт хэрэг нь ихэвчлэн ахуйн хүрээнд, далд аргаар үйлдэгддэг бөгөөд хохирогчийн бие махбодь, сэтгэл зүйд хүнд хор уршиг учруулдаг, тухайн хэрэг, зөрчлийг шалгаж шийдвэрлэх явцад хохирогчийн аюулгүй байдал, нэр төрийн баталгаа, хувийн нууц мэдээлэл гээд олон талын хамгаалалт хөндөгдөж байдаг.

Сэтгэл зүйн хувьд төлөвшөөгүй, эцэг, эх, асран хамгаалагч эсхүл эдийн засаг, биемахбодь, бусад нөхцөл байдлын улмаас бусдаас хараат байдалд байгаа нөхцөлд өөрийгөө илэрхийлэх чадваргүй, боломжгүй, өөрийгөө хамгаалах эрх зүйн бүрэн чадамжгүй нэр төр, алдар хүнд гэдэг үгний утгыг бүрэн ойлгохгүй хүүхдийн хувьд биемахбодь, сэтгэл зүй, эдийн засгийн хүчирхийллийн аль ч хэлбэрийг “тэвчиж” хүлцэн өнгөрүүлж байгаа тохиолдол бүр нь гэр бүлийн хүрээнд, далд хэлбэрт үйлдэгдэж байгаа нь нууц биш юм.

Дээрх төрлийн хүчирхийллийг илрүүлэх, урьдчилан сэргийлэх ажлын суурь нь тохиолдол бүрийг нийгэм, эдийн засаг, хүн ам зүй, хүүхдийн эсрэг хүчирхийлэл үйлдсэн хүн, хохирогчийн амьдралын орчин, хувь хүний онцлог, сэтгэл зүй, төлөвшил зөрчил үйлдэгдэх болсон шалтгаан нөхцөлийг олон талаас нь судлан эрсдэлтэй орчинг зөв тодорхойлж хүчирхийллийн далд орчинд байгаа хүүхдийг илрүүлэх ажил юм.

Хүүхэд хамгааллын чиглэлээр үйл ажиллагаа явуулдаг байгууллага, тэдгээрийн ажилтан нь хүүхдийн эрхийн тухай тодорхой мэдлэгтэй байх, хуульд заасан хүүхдийн эрхийг хүүхдэд зөвөөр тайлбарлан таниулах, хүүхдийн эрх ашиг сонирхол зөрчигдсөн тохиолдолд хуульд заасан арга хэрэгслүүдээр хөндөгдсөн эрхийг сэргээх, урьдчилан сэргийлэх, хүүхдийн чиглэлээр үйл ажиллагаа явуулдаг төрийн болон төрийн бус байгууллага, хууль хяналтын байгууллагатай хамтран ажилладаг байх шаардлага зүй ёсоор тавигдаж байгаатай холбоотойгоор энэхүү судалгааг хийсэн болно.

хүүхдийн эрх, хамгаалалт, эрх зүйн зохицуулалт, хүүхдийн эрхийн зөрчлийн шалтгаан нөхцөл

2021-03-09

115

Монгол

Бүрэн эхээр нь үзэх

2021-10-21

3120

50

Б.Өнөрмаа “Зөрчлийн тухай хуулийн тусгай ангид заасан хүүхдийн эрхийг зөрчих зөрчлийн хэргийн гаралт, шийдвэрлэлт” (2021), ... дахь/дэх тал. Legaldata-аас унших боломжтой: https://legaldata.mn/b/1089

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх