Захиргааны хэрэг шүүхэд хянан шийдвэрлэх тухай хуулийн 123.2 дахь заалтын хэрэгжих боломж ба хүндрэл (Улсын дээд шүүхээс хууль хэрэглээний нэгдмэл байдлыг хангуулах тухай)

Равданбямбын Оюундэлгэр

Хууль зүйн үндэсний хүрээлэнгээс зохион байгуулсан “Захиргааны ерөнхий хууль болон Захиргааны хэрэг шүүхэд хянан шийдвэрлэх тухай хуулийн хэрэгжилтэд тулгамдсан асуудал, шийдвэрлэх арга зам” сэдэвт эрдэм шинжилгээний хуралд ТЭРГҮҮН БАЙР эзэлсэн бүтээл.

Эрдэм шинжилгээний өгүүлэл

Захиргааны процессын эрх зүй, Шүүх эрх мэдэл

Монгол Улсын Их Хурлаас 2021 оны 01 дүгээр сарын 15-ны өдөр Монгол Улсын Шүүхийн тухай хуулийн шинэчилсэн найруулгыг баталсан. Ингэхдээ хуулийн 25 дугаар зүйлийн 25.7.5-д “Улсын Дээд шүүх хууль хэрэглээний нэгдмэл байдлыг хангах зорилгоор давж заалдах шатны шүүхийн магадлалыг хяналтын журмаар хянан шийдвэрлэх” 1) анхан болон давж заалдах шатны шүүхийн хууль хэрэглээний зөрүүг арилгах, 2) хуулийг Улсын Дээд шүүхийн албан ёсны тайлбараас өөрөөр тайлбарлаж хэрэглэсэн, 3) хэрэг хянан шийдвэрлэх ажиллагааны ноцтой зөрчил гаргасан нь шүүхийн шийдвэрт нөлөөлсөн зэрэг үндэслэлийг заасан.

Түүнчлэн эдгээр үндэслэлийг Иргэний хэрэг шүүхэд хянан шийдвэрлэх тухай хууль, Эрүүгийн хэрэг хянан шийдвэрлэх тухай хууль, Захиргааны хэрэг шүүхэд хянан шийдвэрлэх тухай хуулийн холбогдох хэсэгт нэмэлт, өөрчлөлт оруулах байдлаар тусгасан. Ийнхүү манай улсад хяналтын журмаар гаргасан гомдол зөвшөөрөгдөх үндэслэл шинэ зохицуулалт болсон.

Энэхүү судалгаанд судлаач нь Дээд шүүхийн зорилго, чиг үүргийн тэнцэл, тэдгээрийг хангахад чиглэсэн хяналтын гомдол зөвшөөрөгдөх үндэслэлийг онолын талаас судалсан болно. Харин гомдол хүлээн авах эсэхийг шийдэх процедурын 2 асуудлыг хөндөөгүй. Асуудал дэвшүүлэх хүрээнд Захиргааны хэрэг шүүхэд хянан шийдвэрлэх тухай хуулийн 123.2 дахь хэсэгт заасан хяналтын гомдол гаргах үндэслэлүүд нь онолын үзэл баримтлал болон Улсын Дээд шүүхийн зорилгод нийцэж буй эсэх, захиргааны хэрэгт “хууль хэрэглээний нэгдмэл байдлыг хангах”-ын боломж ба хүндрэлийг авч үзсэн. Эцэст нь, захиргааны эрх зүй өндөр хөгжсөн Холбооны Бүгд
Найрамдах Герман Улс (ХБНГУ) болон Австри Улсын холбогдох зохицуулалтыг харьцуулан судалж, дүгнэлт, саналаа хүргүүллээ.

Дээд шүүхийн чиг үүрэг, хяналтын журмаар гаргах гомдлын үндэслэл, хууль тайлбарлах

2021-10-11

13

Монгол

Бүрэн эхээр нь үзэх

2022-03-28

3732

42

48

Р.Оюундэлгэр “Захиргааны хэрэг шүүхэд хянан шийдвэрлэх тухай хуулийн 123.2 дахь заалтын хэрэгжих боломж ба хүндрэл (Улсын дээд шүүхээс хууль хэрэглээний нэгдмэл байдлыг хангуулах тухай)” (2021), ... дахь/дэх тал. Legaldata-аас унших боломжтой: https://legaldata.mn/b/1201

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх