Цахим төлөөлөгчөөр гэрээ байгуулах үед учрах үр дагавар, хариуцлагын асуудал, түүний эрх зүйн зохицуулалт

Батжаргалын Ариунзаяа Равданбямбын Оюундэлгэр

Өмгөөллийн “ЭмДиЭс энд ХаанЛекс” ХХН болон Монголын Хуульчдын Холбооны Иргэний эрх зүйн хорооноос хамтран зохион байгуулсан “ХУВИЙН ЭРХ ЗҮЙН ХӨГЖИЛ БА ТЕХНОЛОГИ” сэдэвт оюутны эрдэм шинжилгээний илтгэлийн уралдаанд тэргүүн байр эзэлсэн бүтээл.

Эрдэм шинжилгээний өгүүлэл

Иргэний эрх зүй

Техник технологи хурдацтай хөгжиж, бизнес эрхлэгчид хэрэглэгчтэй программ хангамж, электрон хэрэгслээр дамжуулан цахим гэрээ байгуулах явдал өсөн нэмэгдэж байна. Судлаачид цахим гэрээ байгуулах программ хангамжийг “цахим төлөөлөгч” буюу “electronic agent” гэж нэрлэж заншаад байгаа тул энэхүү илтгэлд тус нэр томьёог ашиглах боловч ингэснээр иргэний эрх зүйн төлөөлөгчтэй адилтгаагүй болно. Улс орнууд цахим төлөөлөгч гэрээ байгуулах явдлыг хүлээн зөвшөөрч, цахим төлөөлөгчийн үйлдлийн хариуцлагыг хуваарилах асуудалд илүү анхаарлаа хандуулж байна. Монгол улс 2021 оны 05 дугаар сарын 21-ний өдөр Иргэний хуульд нэмэлт өөрчлөлт оруулж, программ хангамж, техник хэрэгсэл ашиглан цахим гэрээ байгуулахыг зөвшөөрсөн. Гэвч түүний үйлдлийн хариуцлагыг хэрхэн хуваарилах талаар зохицуулаагүй.
Энэхүү судалгааны ажлаар цахим төлөөлөгчийг тодорхойлох, түүний үйлдлийн үр дагаврыг хуваарилахад түүнийг 1) хэрэгсэл; 2) иргэний эрх зүйн төлөөлөгч гэж үзэх хоёр хандлагыг авч үзнэ. Харин асуудал дэвшүүлэх хэсэгт цахим төлөөлөгчийн практикт ажиллаж буй хоёр хэлбэр болох 1) төлөөлүүлэгч цахим төлөөлөгчийг өөрөө хянаж, ажиллуулж буй этгээд байх эсхүл 2) төлөөлүүлэгч цахим төлөөлөгчийг өөрөө ажиллуулдаггүй харин хэрэглэдэг этгээд байх тохиолдлыг тус тус хөндөж улмаар хэрхэн хариуцлагыг хуваарилж буйг харьцуулан судална. Мөн бусад улс орнуудын хууль болон олон улсын байгууллагын гаргасан баримт бичгийг харьцуулан дүгнэж, санал дэвшүүлнэ.

цахим төлөөлөгч (electronic agent), төлөөлүүлэгч (principal), гуравдагч этгээд (third party), цахим төлөөлөгчийг ажиллуулж, хянаж буй этгээд (operator)

2022-03-20

11

Монгол

Бүрэн эхээр нь үзэх

2022-04-10

3557

83

38

Б.Ариунзаяа Р.Оюундэлгэр “Цахим төлөөлөгчөөр гэрээ байгуулах үед учрах үр дагавар, хариуцлагын асуудал, түүний эрх зүйн зохицуулалт” (2022), ... дахь/дэх тал. Legaldata-аас унших боломжтой: https://legaldata.mn/b/1220

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх