Үндсэн хуулийн шүүхийн шийдвэрээр үндсэн хуулийг хөгжүүлэх нь

Цэрэнбалтавын Сарантуяа

Хууль зүйн үндэсний төв, Япон Улсын Нагояагийн их сургуулиас хамтран зохион байгуулсан "Үндсэн хуулийн хөгжилд Үндсэн хуулийн гүйцэтгэх үүрэг" сэдэвт олон улсын бага хуралд монгол, англи хэл дээр бэлтгэсэн илтгэл. Улаанбаатар хот, 2006 он.

Эрдэм шинжилгээний өгүүлэл

Үндсэн хуулийн эрх зүй, Үндсэн хуулийн процесс

1. Үндсэн хуулийг хөгжүүлэх хэрэгцээ:
1.1.Үндсэн хууль нь төр, үндсэн эрх, шударга ёсны талаархи ард түмний төсөөллийг хуульчлан бэхжүүлсэн баримт бичиг байдаг. Энэ нь төрөөс иргэдтэй харьцах харилцааны үндсийг тодорхойлдог дээд хэм хэмжээнүүдийн нийлбэр юм. Үндсэн хууль эрх зүйн хэв журмын суурь болдог тул түүний хүрээнд ард иргэд аж төрж аливаа байгууллагууд харилцан уялдаатай ажиллаж нийгмийн харилцаа тасралтгүй үргэлжилдэг билээ.

Төрийн тулгуур хууль болохын хувьд тэрээр үндсэн эрх, төр, нийгэм, улс төрийн амьдралын зангилаа асуудлуудад ард түмний нэрийн өмнөөс шийдэл өгөх зориулалттай. Учир нь аливаа улсын тулгуур хууль үзэмжээр бий болсон номнол биш байдаг. Тэрээр дэлхийн улс орнуудын болон өөрийн ард түмний хамгийн дээд, шилдэг үнэлэмжийг шигшин нэгтгэсэн, тунгаан шүүсэн хэм хэмжээнүүдээс бүрддэг. Тэдгээрийг хүлээн зөвшөөрч тунхаглан зарласнаар ундсэн хууль гэгч баримт бичиг төрж мэндэлдэг зүй тогтолтой юм.

1.2. Гэхдээ Үндсэн хуулиар улс төрийн амьдрал, төрийн үйл ажиллагааны зорилтуудыг хэрэгжүүлэхэд чиглэсэн гагцхүү хамгийн нийтлэг зарчим, орон зайг л тодорхойлох боломжтой байдаг. Үүнд Монгол Улсын Үндсэн хуулийн оршил хэсэг, үндсэн эрхийн бүлэг, Нэг. Хоёр, Гуравдугаар зүйлийг жишээ болгон дурьдаж болох юм. Нийтлэг зарчим гэдэгт тухайлбал ардчилсан ёс, шударга ёс, эрх чөлөө, тэгш байдал, үндэсний эв нэгдэл, хууль дээдлэх ёс хамаарч байна. Үндсэн хууль нь терийг хязгаарлахын сацуу чөлөөт, ардчилсан, нийгмийг хөгжүүлэхийг уриалж байдгаараа онцлогтой

үндсэн хууль, үндсэн хуулийн шүүх, үндсэн хуулийг тайлбарлах арга, үндсэн хуулийн ойлголт

2006-09-19

8

Монгол

Бүрэн эхээр нь үзэх

2022-04-27

2480

54

2

Ц.Сарантуяа “Үндсэн хуулийн шүүхийн шийдвэрээр үндсэн хуулийг хөгжүүлэх нь” (2006), ... дахь/дэх тал. Legaldata-аас унших боломжтой: https://legaldata.mn/b/1244

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх