Хөрөнгө оруулалтыг тодорхойлох нь

Тайванхүүгийн Алтангэрэл

Эрдэм шинжилгээний өгүүлэл

Захиргааны эрх зүй, Өмчийн эрх зүй, Олон Улсын нийтийн эрх зүй, Хөрөнгө оруулалт

Энэхүү товч өгүүллээр Монгол улсын дотоодын болон олон улсын эрх зүйн эх сурвалжид хөрөнгө оруулалтыг хэрхэн тодорхойлж буй талаар хөндөхийг зорьлоо. Хөрөнгө оруулалтыг хэрхэн ямар шалгуураар, ямар хүрээгээр тодорхойлохоос хамааран олон улсын болон дотоодын эрх зүйн эх сурвалжийн хамгаалалтанд багтах эсэх, хөрөнгө оруулалтын маргааны харьяаллыг тогтоох зэрэгт чухал ач холбогдолтой байдаг. Хөрөнгө оруулалтын талаархи ойлголтыг манайд нэгдмэл болгох нийтлэг хэрэгцээ шаардлага байгааг харгалзан түүнийг хэрхэн зөв тодорхойлох талаар тус өгүүллээр хөндөхийг хичээлээ.
Монгол улсын Хөрөнгө оруулалтын тухай хууль болон ихэнх олон улсын гэрээ конвенцид хөрөнгө оруулалтыг өргөн агуулгаар, хөрөнгөд суурилсан, ямар нэг хязгаарлалтгүй байдлаар тодорхойлсон байна. Харин 2017 онд байгуулсан Канад-Монгол улс хооронд байгуулсан хоёр талт хэлэлцээрээр хөрөнгө оруулалтыг аж ахуйн нэгжид суурилсан хөрөнгө оруулалтыг хамруулахаар заасан. Энэ нь үндсэндээ Монгол улсад байгуулсан аж ахуйн нэгжээр дамжуулан хэрэгжих шууд хөрөнгө оруулалтыг дэмжих зорилготой гэж харагдаж байна. Түүнчлэн тус хэлэлцээрт хөрөнгө оруулалтад хамаарахгүй богино хугацааны арилжааны гэрээ, зээлийг тусгасан нь өргөн агуулгатай хамгаалалтад оруулж буй зүй ёсны хязгаарлалт юм.
Монгол улсын Засгийн газрын хариуцагчаар оролцсон арбитрын практикийг харвал хөрөнгө оруулалт бодитойгоор хийгдсэн эсэх, зээл мөн эсэх, гэрээ болон хоёр талт олон улсын хэлэлцээрийн арбитрын хэлэлцээрийн хамрах хүрээ зэргийг нарийвчлан хянаж үзсэний үндсэн дээр тухайн хөрөнгө оруулалтын маргааныг хянах эсэх (ratione materiae) арбитрын харьяаллын тогтоож байсан байна.
Хөрөнгө оруулалтын тодорхойлолт нь хууль зүйн болон эдийн засгийн ач холбогдол ихтэй. Иймд түүнийг шууд хөрөнгө оруулалтыг татах, дэмжих бодлогын хөшүүрэг болгох талаас нь оновчтой тодорхойлох, төрийн байгууллага болон шүүх нэгдмэл байдлаар ойлгож хэрэглэх тайлбарлах шаардлагатай байна.

хөрөнгө оруулалт, гадаадын шууд хөрөнгө оруулалт, хөрөнгө оруулалтын хоёр талт хэлэлцээр, Хөрөнгө оруулалтын тухай хууль

2022-01-01

15

Монгол

Бүрэн эхээр нь үзэх

2024-01-12

907

63

22

Т.Алтангэрэл “Хөрөнгө оруулалтыг тодорхойлох нь” (2022), ... дахь/дэх тал. Legaldata-аас унших боломжтой: https://legaldata.mn/b/1829

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх