ХМХ | Тавин сая төгрөгөөс дээш төлбөрийн үүрэгтэй л бол гадаадад зорчих эрхийг түдгэлзүүлэх үү?

Judilogy

ХМХ | Хэргийн мэдээллийн хуудас нь шүүхээр шийдвэрлэгдэж хуулийн хүчин төгөлдөр болсон, хууль хэрэглээний нэгдмэл байдлын хангах, эрх зүйг хөгжүүлэхэд ач холбогдолтой маргаануудын товч дүн шинжилгээний цуврал

Мэдээллийн хуудас

Шүүхийн шийдвэр гүйцэтгэл

Нэхэмжлэгч нар нь 2015 онд шүүхийн шийдвэрээр зээлийн гэрээний үүргийн гүйцэтгэлд 400 сая төгрөг төлөх үүрэгтэй, мөн шүүхийн шийдвэрээр 2018 онд 1 тэрбум төгрөгийг 2018.10.24-ний өдрийн дотор төлж барагдуулах үүргийг тус тус хүлээжээ. 2015 оны шүүхийн шийдвэрийн дагуух 400 сая төгрөгийн үүргээ 2022 онд бүрэн төлж барагдуулсан, 2018.10.24-ний өдөр төлж барагдуулах ёстой байсан төлбөрөөс 2022 он гэхэд 80 гаруй сая төгрөгийн төлбөр тус тус үлдсэн байна. 2020 оны ШШГтХ-ийн нэмэлт өөрчлөлтөөр дараах заалт батлагдсан. Үүнд: 59.1.Тавин сая төгрөгөөс дээш хөрөнгийн шаардлага бүхий гүйцэтгэх баримт бичгийн шаардлагыг тогтоосон хугацаанд биелүүлээгүй, эсхүл тэжээн тэтгэх үүргээ 3 сараас дээш хугацаагаар биелүүлээгүй төлбөр төлөгчийн гадаадад зорчих эрхийг дараах үндэслэлээр түдгэлзүүлж болно: 59.1.1.эрэн сурвалжлагдаж байгаа, эсхүл төлбөр төлөхөөс санаатай зайлсхийсэн; 59.1.2.хөрөнгөө нуун дарагдуулсан; 59.1.3.төлбөр төлөхөөс зайлсхийх зорилгоор гадаад улсад оргон зайлж болзошгүй. ШШГЕГ-ын ерөнхий шийдвэр гүйцэтгэгчийн шийдвэрээр дээрх заалтыг баримтлан Нэхэмжлэгч нарыг 50 сая төгрөгөөс дээш төлбөртэй тул гадаадад зорчих эрхийг түдгэлзүүлжээ. Нэхэмжлэгч нар ШШГтХ-ийн 59.1.1-59.1.3-т заасан үндэслэл үүсээгүй байхад, зөвхөн 50 сая төгрөгөөс дээш төлбөртэй гэсэн үндэслэлээр гадаадад зорчих эрхийг хязгаарласан тул тус шийдвэрийг хүчингүй болгуулахаар нэхэмжлэл гаргасан. Хариуцагчийн зүгээс ШШГтХ-ийн 59.1.1-59.1.3-т заасан үндэслэл нь зөвхөн тэжээн тэтгэх үүргээ 3 сараас дээш хугацаагаар биелүүлээгүй төлбөр төлөгчид хамаарна, харин 50 сая төгрөгөөс дээш төлбөртэй төлбөр төлөгчид ШШГтХ-ийн 59.1.1-59.1.3-т заасан үндэслэл хамаарахгүй гэж маргав.

Шүүхийн шийдвэр гүйцэтгэл, гадаадад зорчих эрх хязгаарлах, гадаад явах, төлбөрийн үүрэг, тавин сая төгрөгөөс дээш төлбөрийн үүрэг

2024-05-13

2

Монгол

Бүрэн эхээр нь үзэх

2024-05-13

1823

30

Judilogy “ХМХ | Тавин сая төгрөгөөс дээш төлбөрийн үүрэгтэй л бол гадаадад зорчих эрхийг түдгэлзүүлэх үү?” (2024), ... дахь/дэх тал. Legaldata-аас унших боломжтой: https://legaldata.mn/b/2000

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх