Хаврын хурдан морины уралдаан ба Хүүхдийн эрх

Болдбаатарын Гүнбилэг

Эрдэм шинжилгээний өгүүлэл

Хүүхдийн эрх

Хурдан морийг Монгол Улсын хууль тогтоомжоор 7-оос дээш насны хүүхэд унахаар заасан. Зуны дэлгэр цагт тохиодог. Эрийн гурван наадмын нэг болох хурдан морины уралдаан нь төрт ёсны түүхэн уламжлал билээ. Харин өдгөө хаврын улиралд уралдаанч хүүхдийн амь нас, эрүүл мэндэд эрсдэлтэй нөхцөлд бага насны хүүхдүүд морин уралдаанд оролцож буй байдал нь олон улсын хүүхдийн эрхийн эрх зүйн үндсэн зарчмуудтай зөрчилдөж байна. Олон Улсын Хөдөлмөрийн
Байгууллагын конвенц, зөвлөмжийн хэрэгжилтийн шинжээчдийн хорооноос Хүүхдийн хөдөлмөрийн тэвчишгүй хэлбэрүүдийг устгах тухай 182-р конвенцийн хэрэгжилтийн талаар Монгол Улсын Засгийн газарт ирүүлсэн шууд хүсэлтэд уралдааны морь унах нь хүүхдийн аюулгүй байдал, эрүүл мэндэд аюултай буюу осолтой гэдгийг дурдаад, Монгол
Улсын Засгийн газрыг 18-аас доош насны хүүхдүүдийг морь унаачаар ажиллуулахгүй байх тал дээр анхааран дорвитой арга хэмжээ авахыг хүссэн байна. Мөн тус Хороо дээр дурдсан хамгаалалтын арга хэмжээний хэрэгжилтийг хангах тал дээр Засгийн газар тодорхой арга хэмжээ авч, хөдөлмөрийн байцаагч нараар гэнэтийн шалгалт хийлгэж, 18-аас доош насны хүүхдүүд тэдний эрүүл мэнд, амь насанд аюултай нөхцөлд морь унаач хийхийг нь хязгаарлаж, хамгаалан
ажиллахыг уламжилжээ.
Хурдан морь унаач хүүхдийн ёс суртахуун, хүмүүжил, эрүүл мэнд, амь насны асуудал хурцаар яригдах болсон энэ үед унаач хүүхдийн эрхийг хууль, эрх зүйн хүрээнд хангах арга замуудыг судалгааны үндсэн дээр тодорхойлох асуудал нэн тэргүүний хэрэгцээ шаардлага болон тулгамдаж буй тул Хаврын хурдан морины уралдаан дахь хүүхдийн эрх сэдэвт судалгааны ажлыг хийж байна. Энэхүү судалгаа нь зөвхөн хаврын морин уралдааны тухай бөгөөд зуны уламжлалт уралдааны талаар огт дурдаагүй гэдгийг онцлон тэмдэглэж байна.

хүүхэд, хүүхдийн эрх, уралдаанч хүүхэд, хурдан морины уралдаан, хаврын морин уралдаан, уламжлал ба хүүхдийн эрх

2015-06-30

11

Монгол

Бүрэн эхээр нь үзэх

2024-12-19

1011

27

3

Б.Гүнбилэг “Хаврын хурдан морины уралдаан ба Хүүхдийн эрх” (2015), ... дахь/дэх тал. Legaldata-аас унших боломжтой: https://legaldata.mn/b/2214

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх