Хорих ял эдлээд суллагдсан хүмүүсийн нийгэм, эдийн засаг, соёлын эрхийн хэрэгжилт

Хүний эрхийн Үндэсний комисс

Судалгааны тайлан

Үндсэн хуулийн эрх зүй

Шүүхийн Ерөнхий зөвлөл, Шүүхийн шийдвэр гүйцэтгэх ерөнхий газрын сүүлийн 3 жилийн хугацааны холбогдох тоон мэдээлэл, тайлан, түүнчлэн Хөдөлмөр, нийгмийн хамгааллын яамны харьяа аймаг, нийслэлийн 39 нийгмийн болон халамжийн ажилтан, ШШГЕГ-ын харьяа нийслэл, орон нутгийн 58 эрүүгийн шийдвэр гүйцэтгэгчтэй хийсэн уулзалт, ярилцлагын тэмдэглэл, хорих ангиас суллагдан хяналтад буй 325 иргэн, өмнө хорих ял эдлээд суллагдсаны дараа дахин гэмт хэрэг үйлдэн хорих ял эдэлж буй 318 хоригдол, хорих ял эдлээд суллагдсан иргэний гэр бүлийн төлөөлөл болох 38 хүнтэй хорих ял эдлээд суллагдсан хүний хүний нийгэм, эдийн засаг, соёлын эрхийн хэрэгжилт, нөхцөл байдлын талаар тодруулах зорилго бүхий асуулгын дүн, хууль тогтоомжид хийсэн дүн шинжилгээнд үндэслэн боловсруулав.

Энэ бүлэг 7 хэсгээс бүрдэнэ. Үүнд:
Нэгдүгээрт, Хорихоос суллагдсан иргэний төрөөс үзүүлж буй нийгмийн халамж, үйлчилгээнд хамрагдах эрхийг олон улсын болон үндэсний хууль тогтоомж, түүний хэрэгжилтэд судалгаанд оролцогчдоос авсан санал, асуулга, ярилцлагын хүрээнд дүн шинжилгээ хийсэн.
Хоёрдугаарт, Хорих ял эдлээд суллагдсан хүнд учирч буй ялгаварлан гадуурхалт, тухайн хүний наад захын хэрэгцээ болох амьдрах орон байр, хоол хүнсний хүртээмжийн талаарх судалгааны дүнг тусгалаа.
Гуравдугаарт, Монгол Улсын иргэний эрүүл мэндийн тусламж үйлчилгээ авах эрхийн хэрэгжилтийг хорих ангиас суллагдсан хүний жишээн дээр санал, асуулга, ярилцлагын хүрээнд судлан дүн шинжилгээ хийсэн.
Дөрөвдүгээрт, Хорихоос суллагдсан иргэний гэр бүлийн байдал, харилцаа хандлага, түүний өөрчлөлтийг судалж, дүгнэлт, санал дэвшүүлсэн.
Тавдугаарт, Суллагдсан хүний ажил орлоготой болох асуудлыг шийдвэрлэх үндсэн шийдэл болох хөдөлмөрлөх эрхийн хэрэгжилтийг эрх зүйн зохицуулалт, судалгаанд оролцогчдоос авсан санал, асуулга, ярилцлагын хүрээнд судлан дүн шинжилгээ хийсэн.
Зургаадугаарт, Ажил хөдөлмөр эрхлэх явц дахь ялгаварлан гадуурхах хэлбэрийн нэг болох адил хөдөлмөрт адил цалин хөлс авах эрхийн хэрэгжилтийг хорихоос суллагдсан иргэний хүрээнд судалсан.
Долоодугаарт, Сурч боловсрох эрхтэй холбоотой олон улсын болон үндэсний хууль тогтоомж, түүний хэрэгжилтийг хорихоос суллагдсан хүний хүрээнд судлан дүгнэлт, санал дэвшүүлсэн.

Хорих ял, суллагдах, сурч боловсрох эрх, ажил хөдөлмөр эрхлэх, ялгаварлан гадуурхалт

2023-06-01

46

Монгол

Бүрэн эхээр нь үзэх

2025-01-07

31

1

Хүний эрхийн Үндэсний комисс “Хорих ял эдлээд суллагдсан хүмүүсийн нийгэм, эдийн засаг, соёлын эрхийн хэрэгжилт” (2023), ... дахь/дэх тал. Legaldata-аас унших боломжтой: https://legaldata.mn/b/2234

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх