ХМХ | Жүжгийн дүрд тоглох зорилгоор бичүүлсэн дууны бичлэгийг зөвшөөрөлгүйгээр жүжигт ашигласан нь зохиогчийн эрх зөрчсөн

Judilogy

ХМХ | Хэргийн мэдээллийн хуудас нь шүүхээр шийдвэрлэгдэж хуулийн хүчин төгөлдөр болсон, хууль хэрэглээний нэгдмэл байдлын хангах, эрх зүйг хөгжүүлэхэд ач холбогдолтой маргаануудын товч дүн шинжилгээний цуврал

Мэдээллийн хуудас

Захиргааны эрх зүй, Оюуны өмч

Дуучин Т нь 2017 онд Театрын даргатай харилцан тохиролцож тухайн үед Театрт тоглогдохоор төлөвлөгдсөн байсан жүжгийн туслах дүрд тоглох зорилгоор нэгэн уртын дууг дуулж, Театрын дуу бичлэгийн студид бичлэг хийлгүүлж байсан боловч тухайн жүжгийн туслах дүрд тоглоогүй байна.
2022 онд Дуучин Т stream үйлчилгээнд байшуулсан Театрын жүжгийг үзэж байх үедээ тухайн жүжгийн туслах дүр нь ам барин дуулж, өөрийнх нь дуулсан бичлэгийг ардаа тоглуулсан байгааг олж мэджээ. Тэрээр ийнхүү өөрийнх нь дуулсан бичлэгийг жүжигт ашиглахдаа өөрт нь огт мэдэгдээгүй нь түүний эрхийг зөрчиж байна гэж үзэн Оюуны өмчийн газарт гомдол гаргажээ.
Оюуны өмчийн газрын улсын байцаагч уг асуудлаар ам барин дуулсан жүжигчинд холбогдуулан зөрчлийн хэрэг үүсгэн шалгаж байгаад тухайн ам барин дуулсан жүжигчин нь Хөдөлмөрийн гэрээний дагуу ажилласан байх тул зөрчлийн хэрэгт үргэлжлүүлэн Театрыг холбогдуулан шалгасан байна.
Ингээд Дуучин Т-ын дуулсан бичлэгийг тоглолтод ашигласан нь Зохиогчийн эрхийн тухай хууль (2021)-ийн 28.1.1-т “тоглолтондоо нэрээ дурдуулах”, 28.2.4-т “тоглолтын бичлэг, эсхүл түүний хуулбарыг нийтэд түгээх” эрхийг тус тус зөрчсөн гэж дүгнэн Зөрчлийн тухай хуулийн 8.3.1-т “Зохиогчийн эрхийн тухай хуулийг зөрчсөн нь эрүүгийн хариуцлага хүлээлгэхээргүй бол зөрчил үйлдэхэд ашигласан эд зүйлс, хууль бусаар олсон хөрөнгө, орлогыг хурааж, үйл ажиллагааг зогсоож, учруулсан хохирол, нөхөн төлбөрийг гаргуулж ... хуулийн этгээдийг таван мянган нэгжтэй тэнцэх хэмжээний төгрөгөөр торгоно” гэж заасны дагуу Театрыг 5,000,000 төгрөгөөр торгожээ. Ийнхүү торгосон шийтгэлийн хуудсыг хүчингүй болгуулахаар Театр маргав.

оюуны өмч, зохиогчийн эрх, зохиогчийн амины эрх, зохиогчийн онцгой эрх, уран бүтээл, нэрээ дурдуулах, нийтэд түгээх, зөрчил

2025-03-03

3

Монгол

Бүрэн эхээр нь үзэх

2025-03-05

54

1

Judilogy “ХМХ | Жүжгийн дүрд тоглох зорилгоор бичүүлсэн дууны бичлэгийг зөвшөөрөлгүйгээр жүжигт ашигласан нь зохиогчийн эрх зөрчсөн” (2025), ... дахь/дэх тал. Legaldata-аас унших боломжтой: https://legaldata.mn/b/2335

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх