Эрүүгийн процесс ажиллагааны явцад тусгай мэдлэг ашиглах эрх зүйн үндэс, хууль хэрэглээний зөв практик бүрдүүлэх нь аливаа хэргийг шинжлэх ухааны үндэслэлтэй нотлон тогтооход ач холбогдолтой тулгуур асуудал мөн. Шинээр боловсруулсан эрүүгийн процессийн хуулийн төсөлд мөрдөн шалгах тодорхой ажиллагаанд мэргэжилтнийг оролцуулах, шинжээч томилж дүгнэлт гаргуулахаас гадна тусгай мэдлэг эзэмшсэн мөрдөгч ул мөр, эд мөрийн баримт, хэргийн бусад материалд анхан шатны үзлэг, оношлогоо хийж магадлагаа гаргахаар заасан нь эрүүгийн процессийн ажиллагаанд тусгай мэдлэг ашиглах нэгэн шинэ хэлбэрийг баталгаажуулсан явдал болсон байна. Иймд мөрдөгчийн магадлагаа гэж юу болох, мөрдөгч магадлагаа гаргасанаар ямар асуудлыг шийдвэрлэх, шийдвэрлэсэн асуудал нь хэрэг шалган шийдвэрлэх ажиллагаанд ямар ач холбогдолтой болохыг энэхүү судлагааны ажлаар авч үзлээ.

тусгай мэдлэг, шинжээч, мэргэжилтэн, мөрдөгч, шинжээчийн дүгнэлт, мөрдөгчийн магадлагаа