Улсын дээд шүүхийн хууль хэрэглээний нэгдмэл байдлыг хангах чиг үүрэг ба хяналтын журмаар гаргах гомдолд хязгаарлалт тавих асуудал, түүний учир холбогдол

Равданбямбын Оюундэлгэр

Шихихутуг их сургуулийн 30 жилийн ойн хүрээнд зохион байгуулагдсан "Монгол Улсын хөгжилд эрх зүйн шинэтгэлийн үр нөлөө" сэдэвт эрдэм шинжилгээний бага хурлын оюутны хэсэгт ТЭРГҮҮН байр эзэлсэн бүтээл

Эрдэм шинжилгээний өгүүлэл

Шүүх эрх мэдэл

Монгол Улсын Их Хурлаас 2021 оны 01 дүгээр сарын 15-ны өдөр Монгол Улсын Шүүхийн тухай хуулийн шинэчилсэн найруулгыг баталсан. Ингэхдээ хуулийн 25 дугаар зүйлийн 25.7.5-д Улсын дээд шүүх хууль хэрэглээний нэгдмэл байдлыг хангах зорилгоор давж заалдах шатны шүүхийн магадлалыг хяналтын журмаар хянан шийдвэрлэх 1) анхан болон давж заалдах шатны шүүхийн хууль хэрэглээний зөрүүг арилгах, 2) хуулийг Улсын дээд шүүхийн албан ёсны тайлбараас өөрөөр тайлбарлаж хэрэглэсэн, 3) хэрэг хянан шийдвэрлэх ажиллагааны ноцтой зөрчил гаргасан нь шүүхийн шийдвэрт нөлөөлсөн зэрэг үндэслэлийг заасан ба эдгээр үндэслэлийг мөн Иргэний хэрэг шүүхэд хянан шийдвэрлэх тухай хууль, Эрүүгийн хэрэг хянан шийдвэрлэх тухай хууль, Захиргааны хэрэг шүүхэд хянан шийдвэрлэх тухай хуулийн холбогдох хэсэгт нэмэлт, өөрчлөлт оруулах байдлаар тусгасан.
Иргэний хэрэг шүүхэд хянан шийдвэрлэх тухай хуульд иргэний хяналтын журмаар гаргасан гомдлыг урьдчилан хэлэлцэх механизм байхгүй бүхий л гомдлыг хяналтын журмаар хэлэлцэх ёстой, харин Эрүүгийн хэрэг хянан шийдвэрлэх тухай хууль, Захиргааны хэрэг шүүхэд хянан шийдвэрлэх тухай хуульд хяналтын шатны журмаар гаргасан гомдол нь хуульд заасан шаардлагыг хангасан эсэхийг нэг шүүгч хянан үзэж байсан (гэхдээ ийнхүү хянахдаа хэлбэрийн шаардлага талаас нь хянах боломжтой)-ыг эс тооцвол дээрх зохицуулалт нь манайд байгаагүй шинэ зохицуулалт болсон. Уг зохицуулалтын талаар хуульч, судлаачдын дунд маргаан, мэтгэлцээн эд өрнөж байна. Эдгээр нөхцөл байдал нь энэхүү сэдвийг сонгон судлах үндэслэл болсон болно.
Судалгааны сэдвийн хүрээнд зөвхөн иргэний хэрэгт хяналтын шатны журмаар гаргах гомдолд тавих хязгаарлалтын асуудлыг авч үзсэн ба ингэхдээ манай улсын энэхүү зохицуулалт нь олон улсын нийтлэг чиг хандлага, эрх зүйн зохицуулалттай нийцэж байгаа эсэхийг авч үзэж, харьцуулсан судалгааны хүрээнд Бүгд Найрамдах Солонгос Улс, Холбооны Бүгд Найрамдах Герман улсын эрх зүйн зохицуулалтыг судаллаа.

Шүүхийн тогтолцоо, Улсын дээд шүүхийн албан ёсны тайлбар, хяналтын журмаар гаргах гомдлын хязгаарлалт, хууль тайлбарлах, хуулийг боловсронгуй болгох, абстракт тайлбар, казуаль тайлбар

2021-05-18

12

Монгол

Бүрэн эхээр нь үзэх

2021-05-27

8412

432

37

Р.Оюундэлгэр “Улсын дээд шүүхийн хууль хэрэглээний нэгдмэл байдлыг хангах чиг үүрэг ба хяналтын журмаар гаргах гомдолд хязгаарлалт тавих асуудал, түүний учир холбогдол” (2021), ... дахь/дэх тал. Legaldata-аас унших боломжтой: https://legaldata.mn/b/970

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх