Монгол Улс болон БНХАУ-ын Гадаадын хөрөнгө оруулалтыг хязгаарлах эрх зүйн зохицуулалтын түүхэн хөгжил, хууль тогтоомжийн харьцуулсан судалгаа

Батбаярын Анхбаяр

Эрдэм шинжилгээний өгүүлэл

Арилжаа & Бизнесийн эрх зүй, Хөрөнгө оруулалт

Дэлхий даяар ялангуяа хөгжингүй орнууд гадаадын хөрөнгө оруулалтыг хязгаарлах зохицуулалтыг эрчимтэй авч хэрэгжүүлж байгаа энэ цаг үед Монгол Улсад гадаадын хөрөнгө оруулалтыг хязгаарлах нэгдсэн бодлого, эрх зүйн зохицуулалт байхгүй, үндэсний аюулгүй байдлын үзэл баримтлалын хэрэгжилт учир дутагдалтай байгаа нь анхаарал татаж байна. Учир нь, 2013 оны Хөрөнгө оруулалтын тухай хууль, 2010 оны Үндэсний аюулгүй байдлын үзэл баримтлалаар гадаадын хөрөнгө оруулалтыг хязгаарлах стратегийн салбарыг тодорхойлсон боловч эдгээр зохицуулалт нь хоорондоо уялдаа холбоогүй, зөрчилтэй, мөн 11 салбар хуулиудын хэмжээнд гадаадын хөрөнгө оруулалтыг хязгаарлаж, хориглож байгаа нь энэ чиглэлийг судлах, боловсронгуй болгох хэрэгцээ шаардлагыг илтгэж байна.
Бүгд Найрамдах Хятад Ард Улс нь гадаадын хөрөнгө оруулалтыг хязгаарлах эрх зүйн зохицуулалтаар дэлхийд тэргүүлэгч орнуудын нэг боловч 2020 оны НҮБ-н “Дэлхийн хөрөнгө оруулалтын тайлан”-аар хамгийн их хөрөнгө оруулалт татан төвлөрүүлсэн улсаар шалгарчээ. Энэ нь 2020 оны Гадаадын хөрөнгө оруулалтын шинэ хуулийн хэрэгжилттэй холбоотой бөгөөд энэ нь олон улсын анхаарлыг ихээр татаж байна.
Энэхүү өгүүллээр Монгол Улс болон Бүгд Найрамдах Хятад Ард Улсын гадаадын хөрөнгө оруулалтыг хязгаарлах эрх зүйн зохицуулалтын түүхэн хөгжил, хууль тогтоомжуудыг харьцуулан Бүгд Найрамдах Хятад Ард Улсын сайн туршлагыг судалж, Монгол Улсын гадаадын хөрөнгө оруулалтыг хязгаарлах эрх зүйн зохицуулалтыг боловсронгуй болгох санал дэвшүүлэхийг зорилоо.

бүрэн эрхт байдал, үндэсний аюулгүй байдал, сөрөг жагсаалт, эдийн засгийн хөгжил, үндэстэн дамнасан корпораци

2021-02-20

18

Монгол

Бүрэн эхээр нь үзэх

2021-06-24

3205

66

37

Б.Анхбаяр “Монгол Улс болон БНХАУ-ын Гадаадын хөрөнгө оруулалтыг хязгаарлах эрх зүйн зохицуулалтын түүхэн хөгжил, хууль тогтоомжийн харьцуулсан судалгаа” (2021), ... дахь/дэх тал. Legaldata-аас унших боломжтой: https://legaldata.mn/b/990

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх