Бэлэглэлийн гэрээг хүчингүй болгох болон хүчин төгөлдөр бус тооцсон талаар маргаан шийдвэрлэсэн шүүхийн шийдвэрт хийсэн дүн шинжилгээ

Энхболд Золзаяа Адъяасүрэн Түвшинтөгс

“Шүүхийн шийдвэрийн судалгаа” цуврал 12-т иргэний хэргийн шүүхийн шийдвэрт хийгдсэн судалгаа болно. https://forum.mn/ сайтаас үнэ төлбөргүй татах боломжтой.

Эрх зүйн шүүмж

Иргэний эрх зүй

Манай Улсын ИХ-ийн 280 дугаар зүйлийн 280.1.1-д “Бэлэг хүлээн авагч нь бэлэглэгчийг гомдоосон ноцтой үйлдэл хийсэн” бол бэлэглэлийг хүчингүй болгохоор хуульч илжээ. Харин шүүхийн хувьд хэргийн үйл баримт, бэлэг хүлээн авагчийн үйлдлийн хэр хэмжээ болон гэм буруугийн хэлбэр, бэлэглэгчид учирсан хохирол, хор уршиг зэргийг харгалзан гомдоосон ноцтой үйлдэл хийсэн эсэхийг тогтоож шийдвэрлэж байна. Гэтэл ИХ-д ямар
үйлдлийг ноцтой гэж үзэх, гомдоосон ноцтой үйлдэл гэдэгт ямар үйлдлүүдийг хамааруулах вэ? гэдэг нь тодорхой бус байна. Түүнчлэн шүүх аливаа тохиолдлыг шийдвэрлэхэд субъектив шалгуурыг бус харин объектив шалгуурыг харгалзан шийдэх
ёстой. Мөн бэлэглэлийн гэрээний онцгой төрөл болох тусгай зориулалттай бэлэглэлийн гэрээнд заасан болзол, зорилгыг биелүүлээгүй бол бэлгийг буцаан шаардах эрхтэй.

Тусгай зориулалттай бэлэглэлийн гэрээнд заасан болзол, зорилгыг биелүүлээгүйгээс бэлэглэгч гомдох тохиолдолд ИХ-ийн 279 дүгээр зүйлийг хэрэглэх үү, эсхүл 280 дугаар зүйлийн 280.1.1 дэх хэсгийн зохицуу лалтыг хэрэглэх үү? гэдэг хууль хэрэглээний асуудал үүсдэг. Иймд тус хууль хэрэглээний асуудлыг судалж, дүн шинжилгээ хийх хэрэгцээ, шаардлага тулгарч байна. Мөн бэлэглэлийн гэрээг хүчин төгөлдөр бус байх хэлцлийн үндэслэл ИХ-ийн 56 дугаар зүйлийн 56.1.3, 56.1.8 дугаар зүйлд тусгагджээ. Тус тохиолдлууд нь практикт ихээхэн гардаг тул шүүхээс дээрх хуулийн зохицуулалтыг хэрхэн хэрэглэж байгаад дүн шинжилгээ хийхийг зорилоо.

Иймээс энэхүү судалгааны зорилго нь бэлэглэлийн гэрээг хүчингүй болгох, хүчин төгөлдөр бус байхтай холбоотой шүүхийн шийдвэрт дүн шинжилгээ хийх, хууль хэрэглээний асуудлыг судлах, харьцуулсан судалгаа хийх, дүгнэлт, санал өгөхөд оршино.

Энэхүү судалгааны хүрээнд ИХ-ийн 280 дугаар зүйлийн 280.1-д заасны дагуу гэрээг хүчингүй болгох болон ИХ-ийн 56 дугаар зүйлийн 56.1.3, 56.1.8 дахь хэсэгт заасан үндэслэлээр гэрээ хүчин төгөлдөр бус байхтай холбоотой шүүхийн шийдвэрүүдийг
шинжилж дүгнэнэ. Уг судалгааг гүйцэтгэхдээ анализ-синтез, индукц-дидукц, түүвэр, харьцуу лах зэрэг нийтлэг аргуудыг; шүүхийн шийдвэрүүдийг сонгон авах зорилгоор шүүхийн цахим мэдээллийн www.shuukh.mn санд шүүлт хийсэн ба ингэхдээ мэдээлэл цуглуулах, түүвэрлэх, харьцуулах зэрэг аргыг ашиглалаа. Сонгон авсан шүүхийн шийдвэрийг анализ-синтез, индукц-дидукцын аргаар шинжилж дүгнэв.

Манай улсын бэлэглэлийн гэрээг хүчингүй болгохтой холбоотой эрх зүйн зохицуу лалтыг бусад улс орны эрх зүйн зохицуулалттай харьцуулан судлахдаа нэг бүлийн улс эсэх, газар зүйн байрлал, эрх зүйн уламжлалын онцлог зэргийг харгалзан харьцуулалтын аргыг ашиглалаа.

бэлэглэл, бэлэглэлийн гэрээ, шүүхийн шийдвэрийн дүн шинжилгээ, иргэний хууль, бэлэг хүлээн авагч, бэлэглэгч

2023-12-20

95

Монгол

Бүрэн эхээр нь үзэх

2023-12-26

3655

219

34

Э.Золзаяа А.Түвшинтөгс “Бэлэглэлийн гэрээг хүчингүй болгох болон хүчин төгөлдөр бус тооцсон талаар маргаан шийдвэрлэсэн шүүхийн шийдвэрт хийсэн дүн шинжилгээ” (2023), ... дахь/дэх тал. Legaldata-аас унших боломжтой: https://legaldata.mn/b/1792

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх