1990-ээд оны эхээр хийгдэж эхэлсэн ардчилсан шинэтгэл нь Монголын нийгмийн байгууллыг сууриар нь өөрчлөн хөгжүүлэх зорилготой байсан бөгөөд сууриар нь гэдэгт бид нийгмийн байгууллын улс төр, эдийн засаг, нийгэмшил, оюун санааны гэсэн дөрвөн үндсийг багтаан ойлгож байна. Эдгээрээс улс төрийн шинэтгэл нь нийгмийн амьдралын бусад хүрээнд хийж буй шинэтгэлийн гараа нь байсан бөгөөд нэг намт тогтолцооноос олон намын тогтолцоонд шилжиж эхэлсэн нь уг шинэтгэлийн шийдвэрлэгч алхамын нэг гэж болно.

1992 онд ардчилсан Үндсэн хууль батлагдсанаар улс төрийн нам (цаашид “нам” гэх)-ууд засаг төрийн үйл ажиллагаанд оролцох эрх зүйн үндэс тавигдсан. Үүнтэй холбоотойгоор намууд улс төрийн амьдралд зөвхөн дангаараа бус хамтарч оролцох бас нэгэн шинэ үзэгдэл бий болж, одоо ч үргэлжилж байна. Улс төрийн намууд хамтран эвсэл байгуулж сонгуульд оролцох нь нээлттэй байдаг бөгөөд энэ тохиолдолд туайн хамтарч буй намууд гэрээ (эвслийн) байгуулдаг. Харин Монгол Улсад сүүлийн үед сонгуульд оролцохдоо хамтарч гэрээ байгуулаагүй намууд сонгуулийн үр дүн гарсаны дараа гэрээ байгуулах болсон бөгөөд улмаар энэ нь засаг байгуулах үр дагавар (эрх зүйн) үүсгэх хүртэл хэмжээнд хүрч байгаа билээ. Энэхүү бүтээлд улс төрийн намуудын хооронд буй байгуулж гэрээ, түүний онцлог, түүнд хяналт тавих боломжтой эсэх талаар хариулт өгөхийг зорьсон болно.

улс төрийн нам, улс төрийн намуудын байгуулсан гэрээ, улс төрийн намд тавих шүүхийн хяналт, хамтарсан Засгийн газар, Үндэсний эв нэгдлийн Засгийн газар