Гавьяат хуульч, доктор, профессор Б.Чимид багш “...Аливаа намын дүрэм бол тэр намынхаа хувьд улсын Үндсэн хуулийн дараа орох “өөрийнх нь гол хууль”. “Дараа орно” гэдэг нь намын дүрэм бүх утга санаагаараа улсын гол хууль (Үндсэн хууль Л.Э)-д нийцсэн, түүнд үндэслэсэн бусад хуульд харшлахааргүй байх тийм эрэмбэтэй.” гэж үзсэнийг үндэслээд Улс төрийн намын тухай хууль (цаашид УТНтХ гэнэ.)-ийн 9.1, 21.1-д зааснаар улс төрийн намыг бүртгэх асуудлаар, түүний дүрэм, мөрийн хөтөлбөрийг Улсын дээд шүүх хянах буюу Үндсэн хуулийн хяналтыг хэрэгжүүлэхээр хуульчилсан байдал нь Монгол Улсын Үндсэн хууль (цаашид МУҮХ гэнэ.)-ийн 66.1-тэй зөрчилдөх төдийгүй, одоо Улсын дээд шүүхээс бүртгүүлсний үндсэн дээр үйл ажиллагаагаа явуулж буй зарим намын дүрэмд МУҮХ-д харшилсан байж болохуйц дүрмийн заалтыг гаргаж ирэх замаар дэвшүүлсэн асуудлаа нотлох төдийгүй, уг асуудлыг өөр байдлаар зохицуулах талаар саналыг гаргасан болно.

Үндсэн хуулийн хяналт
Улс төрийн нам
Органик хууль