Дүн шинжилгээ хийсэн шүүхийн шийдвэрийн хувьд захиргааны гэрээг цуцлах нэг талын (захиргааны байгууллагын) илэрхийллийг (ихэвчлэн захиргааны актын хэлбэртэй гардаг) хянан шийдвэрлэсэн байх бөгөөд онолын хувьд уг илэрхийлэл нь захиргааны хэргийн шүүхийн эрх зүйн хяналтад хамаардаггүй (процессын хуульд хянаж болохоор зохицуулсан тохиолдолд боломжтой ч манай улсын захиргааны процессын хуульд тийм зохицуулалт байхгүй). Иймд тухайн шийдвэрийг гаргасан анхан шатны шүүхийн шийдвэр үндэслэлгүй болохыг шүүмж бичих замаар нотлохыг зорьсон болно.
Кейсийн хувьд захиргааны байгууллагын ямар шийдвэр, үйл ажиллагааг захиргааны хэргийн шүүх хянахгүй вэ? буюу Захиргааны хэргийн шүүхийн хийх эрх зүйн хяналтаас гадуур байх тухай асуудлыг хөндсөн шийдвэр тул энэхүү дүн шинжилгээгээр дамжуулан захиргааны хэргийн шүүхийн зүгээс хийх эрх зүйн хяналтын хүрээ хязгаарыг тодотгохыг гол зорилго болгосон.

Тоочих зарчим, ерөнхийлөн заах зарчим, захиргааны гэрээ, захиргааны актын характергүй нийтийн эрх зүйн хүсэл зоригийн илэрхийлэл.