Монголын хуульчдын холбооноос зохион байгуулдаг “Хуульчдын Форум 2022” арга хэмжээ 2022 оны 10 дугаар сарын 21-нд Улаанбаатар зочид буудлын хурлын танхимд зохион байгуулагдлаа.

“Үндсэн хуулийн үзэл баримтлал - сорилт, бэрхшээл” сэдвээр зохион байгуулагдсан тус форумд 320 гаруй хуульч, зочин оролцсон бөгөөд үндсэн хуралдаан, зочны цаг, дөрвөн салбар хуралдааны хүрээнд хэлэлцүүлэг өрнөлөө.

Энэ удаагийн форумд “Оюуны-Инноваци” ТББ-ын ТУЗ-ийн дарга Т.Алтангэрэл “Шүүхэд хандах эрх: гуравдагч этгээдээр шүүх, арбитрын зардлыг төлүүлэх нь” сэдвээр салбар хуралдаанд хэлэлцүүлэгчээр оролцож, санал бодлоо хуваалцлаа. Мөн, форум нэгдсэн хуралдаанд Нээлттэй Нийгэм Форумын Эрх зүйн хөтөлбөрийн менежер П.Бадамрагчаа, “Оюуны-Инноваци” ТББ-ын гүйцэтгэх захирал Б.Төрболд нар Монголын “Шүүхийн индекс 2021” судалгааны дүн, тайлангийн өгөгдлийн эх сурвалж, арга зүйн талаар танилцууллаа.