Иргэд хувийн хэрэгцээндээ зориулж биологийн идэвхт бүтээгдэхүүнийг улсын хилээр нэвтрүүлэхэд тулгамдаж буй асуудал ба хууль хоорондын хийдэл

Пүрэвдорж Эрхэмбаяр

Эрдэм шинжилгээний өгүүлэл

Эрүүл мэнд & Спортын эрх зүй

Эм, эмнэлгийн хэрэгслийн тухай хуулийн 15 дугаар зүйлийн 15.9.3-т заасны дагуу тусгай зөвшөөрөлгүй хуулийн этгээд, иргэн биологийн идэвхт бүтээгдэхүүнийг импортлохыг хориглосон. Өөрөөр хэлбэл витамин, нэмэлт бэлдмэл зэрэг биологийн идэвхт бүтээгдэхүүнийг хувийн хэрэгцээнд зориулан улс хоорондын илгээмжээр дамжуулан авахыг хориглосон. Ингэснээр иргэд хувийн хэрэгцээндээ зориулж үйлдвэрлэгч улс орноос хямд үнэ, бага зардлаар шууд худалдан авах боломж хязгаарлагдаж, зөвхөн Монгол Улс дахь биологийн идэвхт бүтээгдэхүүн импортлох тусгай зөвшөөрөлтэй аж ахуй эрхлэгчээс худалдан авах хязгаарлагдмал нөхцөл байдал үүсээд байна.
Харин 2023 оны 01-р сарын 01-ны өдрөөс эхлэн хүчин төгөлдөр үйлчилж буй зөвшөөрлийн тухай хуулиар “Үндэсний аюулгүй байдал, нийтийн ашиг сонирхол, хүн амын эрүүл мэнд, хүрээлэн байгаа орчин, санхүүгийн тогтвортой байдалд эрсдэл учруулж болзошгүй үйл ажиллагаа, эсхүл тусгай болзол, шаардлагыг хангасны үндсэн дээр хэрэгжүүлэх мэргэжлийн үйл ажиллагаа, эсхүл ашиг олох зорилгоор болон үйлдвэрлэлийн зориулалтаар байгалийн баялаг, төрийн нийтийн өмчийг хязгаартайгаар ашиглуулахад тусгай зөвшөөрөл олгоно.” гэж заасны дагуу биологийн идэвхт бүтээгдэхүүнийг үйлдвэрлэх, импортлох, экспортлох, ханган нийлүүлэхэд эмийн асуудал эрхэлсэн төрийн захиргааны байгууллагаас тусгай зөвшөөрөл олгохоор хуульчилсан. Гэвч хууль хэрэгжиж эхэлснээс хойш 6 хоногийн дараа тус зохицуулалт хүчингүй болсон.
Биологийн идэвхт бүтээгдэхүүнийг үйлдвэрлэх, импортлох, экспортлох, ханган нийлүүлэхэд тусгай зөвшөөрөл олгохгүй болсон ч гаалийн байгууллагаас бүртгэлтгүй эм, витамин, биологийн идэвхт бүтээгдэхүүнийг улсын хилээр тусгай зөвшөөрөлгүй оруулж ирснээс үүдэн иргэн эрүүл мэндээрээ хохирох, мансууруулах бодисын найрлагатай эсэх эсрдэлтэй тул үүнд хяналт тавих үүргийг хэрэгжүүлж байна. Мөн гаалийн байгууллагаас зөвшөөрлийн тухай хууль болон эм, эмнэлгийн хэрэгслийн тухай хууль хооронд зөрчил үүссэж буй талаар мэдээлэж байна .
Хуулийн хоорондын зөрчлийн улмаас иргэд хувийн хэрэгцээнд биологийн идэвхт бүтээгдэхүүнийг бусад улс орноос худалдан авч, улсын хилээр нэвтрүүлж болох эсэх, мөн тухайн бүтээгдэхүүнийг улсын бүртгэлд иргэн бүртгүүлэх эсэх, хуулийн этгээд тусгай зөвшөөрөлгүй бүртгүүлсэн бол улсын хийлээр импортоор оруулж ирж болох эсэх, зэрэг асуудлууд тулгамдаж байна.

Биологийн идэвхт бүтээгдэхүүн, витамин, хилээр нэвтрүүлэх, бүртгүүлэх, зөвшөөрлийн тухай хууль, хүнсний нэмэл бүтээгдэхүүн, гаалийн байгууллага, иргэн

2024-04-29

8

Монгол

Бүрэн эхээр нь үзэх

2024-05-20

3047

20

11

П.Эрхэмбаяр “Иргэд хувийн хэрэгцээндээ зориулж биологийн идэвхт бүтээгдэхүүнийг улсын хилээр нэвтрүүлэхэд тулгамдаж буй асуудал ба хууль хоорондын хийдэл” (2024), ... дахь/дэх тал. Legaldata-аас унших боломжтой: https://legaldata.mn/b/2003

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх