Монгол Улсын Шүүхийн индекс 2021

Нээлттэй Нийгэм Форум Оюуны Инноваци ТББ

Санаачлагч: НЭЭЛТТЭЙ НИЙГЭМ ФОРУМ, Гүйцэтгэгч: ОЮУНЫ-ИННОВАЦИ ТББ Судалгааны баг: Т.Алтангэрэл, П.Баттулга, Б.Төрболд, Д.Аюуш, Г.Гэсэр, С.Цэрэндолгор, Тайланг judindex.forum.mn вэб сайтаас бүрэн эхээр нь үзэх боломжтой.

Судалгааны тайлан

Шүүх эрх мэдэл

Монгол Улсын шүүхийн индекс нь тухайлан шүүхийн салбарт өрнөж буй шинэтгэлийн үр нөлөөг хараат бусаар үнэлж, аливаа ухралтаас сэргийлэх, хэрэгжилтийн шатанд эрчимжүүлэх шаардлагатай асуудлыг тодорхойлох, олон улстай харьцуулах гэхээс илүү гарч буй өөрчлөлтийг хоёр жил тутамд хэмжих боломжтой болох юм. Монгол Улсын шүүхийн тухай хууль шинэчлэн батлагдсан 2021 онд анхдагч судалгааг хийж байгаа нь цаашид энэхүү хууль тогтоомжийн хэрэгжилтийн үр нөлөөг индексээр дамжуулан үнэлэх ач холбогдолтой. Дүгнэж хэлбэл, шүүхийн индекс нь (1) шүүхийн үйл ажиллагааны төлөв байдлыг олон талаас бодитойгоор үнэлэх; (2) шалгуур үзүүлэлтийн оноонд үндэслэн шүүхийн тулгамдсан асуудал, хүндрэл, бэрхшээлийг тодорхойлох; (3) төлөв байдал, тулгамдсан асуудлын үндсэн дээр шүүхийн хүрээнд цаашид авч хэрэгжүүлэх арга хэмжээ, чиг хандлагыг тодорхойлоход чухал хэрэгсэл болно гэж үзэж байна.

2021 оны байдлаар олон нийтийн санал асуулга, салбарын шинжээчдийн буюу мэргэжилтнүүдийн санал асуулга, захиргааны мэдээлэл гэсэн үндсэн 3 эх сурвалжийн хүрээнд цуглуулсан мэдээллийг тоон илэрхийлэлд хувирган үнэлсэн энэхүү индексийн судалгаагаар манай улсын шүүх нийт боломжит 100 онооноос 51.94 оноог авлаа. Энэхүү нэгдсэн оноо нь (1) Шүүхийн эрх хэмжээ, бие даасан байдал, (2) Шүүхийн нээлттэй, ил тод байдал, (3) Шүүхэд итгэх олон нийтийн итгэл, (4) Шүүхийн дэд бүтэц, нөөц, (5) Шүүгчийн ёс зүй ба хариуцлага, (6) Шүүхийн үр ашигтай үйл ажиллагаа гэсэн 6 үндсэн хэмжигдэхүүн, түүнээс улбаалсан 42 дэд хэмжигдэхүүн, тэдгээрийг илэрхийлэх 108 шалгуур үзүүлэлтэд үндэслэн гаргасан.

индекс, шүүхийн индекс, шүүх, шүүх эрх мэдэл, шүүхэд итгэх олон нийтийн итгэл, шүүхийн бие даасан байдал, шүүгчийн хараат бус байдал, шүүгчийн ёс зүй, шүүгчийн хариуцлага, шүүхийн үр нөлөөтэй үйл ажиллагаа, шүүхийн дэд бүтэц, нөөц

2022-09-10

109

Монгол

Бүрэн эхээр нь үзэх

2022-11-09

3285

121

24

Нээлттэй Нийгэм Форум Оюуны Инноваци ТББ “Монгол Улсын Шүүхийн индекс 2021” (2022), ... дахь/дэх тал. Legaldata-аас унших боломжтой: https://legaldata.mn/b/1392

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх