Мөрдөх албаны талаарх харьцуулсан судалгаа

Л. Галбаатар

Нээлттэй Нийгэм Форумын зүгээс "Мөрдөх албаны талаарх харьцуулсан судалгаа" судалгааны тайланг Л.Галбаатарын гүйцэтгэснээр хүргэж байна.

Судалгааны тайлан

Эрүүгийн эрх зүй

Монгол Улсын Их Хурлын 2021 оны 12 дугаар тогтоолын хавсралтаар “Монгол Улсын хууль тогтоомжийг 2024 он хүртэл боловсронгуй болгох үндсэн чиглэл”-ийг баталсан билээ. Уг чиглэлийн 87-д Хууль зүй, дотоод хэргийн сайдын эрхлэх асуудлын хүрээнд Мөрдөх албаны тухай хуулийн төслийг Засгийн газраас санаачилж, Хууль зүй, дотоод хэргийн яам хариуцан боловсруулж, 2022 онд УИХ-д өргөн мэдүүлэхээр тусгасан. “Монгол Улсын хууль тогтоомжийг 2024 он хүртэл боловсронгуй болгох үндсэн чиглэл”-ийн төслийг Хууль зүй, дотоод хэргийн яамны веб сайт дээр 30 хоногийн хугацаанд байршуулсан бөгөөд төсөлд санал ирээгүй болно гэжээ.

Мөрдөх албаны тухай хууль тогтоомжийн төсөл боловсруулах үндэслэл, зохицуулах харилцааны товч утгыг “Шинэ төрлийн, зохион байгуулалттай, үндэстэн дамнасан шинжтэй гэмт хэрэгтэй тэмцэх, үндэсний аюулгүй байдлыг хангах тусгайлсан чиг үүрэг бүхий бие даасан бүтэц бүхий мөрдөх алба байгуулах, тогтолцоо, чиг үүрэг, үйл ажиллагааны эрх зүйн үндсийг тогтоох, хяналт тавих, алба хаагчдын эрх зүйн байдлыг тодорхойлох” гэж заасан байна.

Иймд энэхүү судалгаагаар (i) мөрдөх албаны талаар шинээр харьцуулан судлах; (ii) судалгаанд сонгосон орон, байгууллагын онцлог Монголын нөхцөлд хэр ойр, зөрүүтэй болохыг тухайлан дүгнэх; (iii) Мөрдөх албыг байгуулснаар Эрүүгийн хэрэг хянан шийдвэрлэх тухай хуульд заасан мөрдөгчийн үйл ажиллагаанд ямар өөрчлөлт орох, гэмт хэрэгтэй тэмцэх үйл ажиллагаа боловсронгуй болох эсэх, мөрдөн шалгах үйл ажиллагаа дахь хөндлөнгийн нөлөөллийг бууруулах эсэх, бусад тусгай албадтай үр дүнтэй хамтран ажиллах эсэхэд дүн шинжилгээ хийв.

мөрдөх алба, олон улсын хамтарсан ажиллагаа, мөрдөн шалгах хамтарсан баг, европын холбоо, мөрдөх албаны бүтэц, мөрдөх албаны хууль тогтоомж

2021-08-01

98

Монгол

Бүрэн эхээр нь үзэх

2023-05-03

1553

19

89

Л.Галбаатар “Мөрдөх албаны талаарх харьцуулсан судалгаа” (2021), ... дахь/дэх тал. Legaldata-аас унших боломжтой: https://legaldata.mn/b/1562

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх