Эрх сэтгэлгээний хөгжилд онол – арга зүйн хувьд шинэчлэлийг хийсэн шинэкантын эрх зүйн философийн онол, арга зүйн асуудлыг авч үзлээ. Шинэкантын эрх зүйн философи нь Германы сонгодог философичдын үзэл санаанд тулгуурлан эрх зүйг зөвхөн хэлбэрийн талаас бус, мөн эрх зүйн агуулгыг байх ёстой зүйлийн хүрээнд априор түвшинд судлан, эрх зүйн үнэт зүйлтэй холбон, эрх зүйт болон эрх зүйн бус хуулийн ялгааг гаргасанаараа эрх зүйн сэтгэлгээний хөгжлийн шинэ үе шатыг бий болгосон билээ. Мөн эрх зүй, эдийн засгийн хамаарлыг судлан, нийгэмд гүйцэтгэх эрх зүйн үүргийг тодорхойлж өгсөн юм.
Энэхүү философи нь эрх зүйн үнэт зүйлийг тодорхойлон гаргаснаараа хууль зүйн шинжлэх ухааныг формализмаас ангижруулах, үнэт зүйлийн онолыг хөгжүүлэх үндэс суурийг тавьсан юм.

эрх зүйн санаа, хүсэл зориг, шударга ёс, эрх зүйт хууль, эрх зүйн бус хууль