Газар чөлөөлөхөд нийгмийн зайлшгүй хэрэгцээг тодорхойлох нь

Батжаргалын Ариунзаяа Г.Уянга, Ч.Билгүүн

Энэхүү судалгааг Нээлттэй Нийгэм Форумын санхүүгийн дэмжлэгтэйгээр гүйцэтгэсэн болно.

Судалгааны тайлан

Газрын эрх зүй

Үндсэн хуулиар хамгаалагдсан иргэний өмчлөх эрхийг төрийн зүгээс “нийгмийн зайлшгүй хэрэгцээ” эсвэл “улсын тусгай хэрэгцээг” үндэслэн “нөхөн олговор” олгосны үндсэн дээр хязгаарлах буюу иргэний өмчлөлийн газрыг чөлөөлүүлэн авах боломжтой. Ийнхүү газар чөлөөлөх үйл ажиллагаа нь сайн дурын болон албадан чөлөөлөх хэлбэрээр хэрэгждэг. Сайн дурын үндсэн дээр чөлөөлөхөд өмчлөгчтэй харилцан тохиролцож, худалдах худалдан авах гэрээний үндсэн дээр газрын үнийг төлж, газар болон түүний дээр байгаа үл хөдлөх хөрөнгийн эрхийг шилжүүлэн авдаг. Харин ийнхүү харилцан тохиролцож чадаагүй нөхцөлд албадан чөлөөлөх шаардлага үүснэ. Албадан чөлөөлөлт нь гагцхүү нийтийн ашиг сонирхол, нийгмийн
сайн сайхан байдлыг хангах зорилготой нөхцөлд зөвтгөгддөг. Үнэ тохиолдолд тухайн газрыг чөлөөлөх зайлшгүй шаардлага үүссэн байх төдийгүй, газар чөлөөлснөөр бий болох нийгэм, эдийн засгийн үр өгөөж нь албадан чөлөөлөлтөд өртөж байгаа иргэдийн өмчлөх эрх, түүнтэй холбоотой хууль ёсны ашиг сонирхол, алдагдсан боломжоос илүү байхыг шаардана.

Газрыг албадан чөлөөлөх ажиллагаа нь хууль дээдлэх ёс, өмчлөх, боловсрол, соёл, эрүүл мэндийн үйлчилгээ авах эрх, нутгийн уугуул иргэдийн эрхэд нөлөөлдөг. Иймд НҮБ-ын Хүний Эрхийн Дээд Комиссарын газраас энэхүү ажиллагаанд баримтлах зарчим, шаардлагыг гаргасан байдаг. Иймд энэхүү бодлогын шинжилгээг Монгол Улсын өнөөгийн хууль тогтоомж болон газрын
багц хуулийн төслийг НҮБ-ийн Хүний Эрхийн Дээд Комиссарын Газраас гаргасан “Газар ба
хүний эрх: Стандарт ба хэрэглээ” удирдамжид тусгагдсан зарчим, шаардлага, Япон болон БНСУ-ын газар чөлөөлөхтэй холбоотой хууль тогтоомжтой харьцуулан судалж, хуулийн төслийг сайжруулахад чиглэсэн санал шүүмж боловсруулах зорилгоор хийлээ.

газар чөлөөлөх, тусгай хэрэгцээ, нийгмийн зайлшгүй хэрэгцээ, нийтийн ашиг сонирхол, нөхөх олговор, нийтийн сайн сайхан

2024-10-22

32

Монгол

Бүрэн эхээр нь үзэх

2025-01-09

642

30

46

Б.Ариунзаяа Г.Уянга, Ч.Билгүүн “Газар чөлөөлөхөд нийгмийн зайлшгүй хэрэгцээг тодорхойлох нь” (2024), ... дахь/дэх тал. Legaldata-аас унших боломжтой: https://legaldata.mn/b/2241

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх