Дүн шинжилгээ хийгч судлаачийн хувьд анализ хийсэн шүүхийн шийдвэр бүхий маргаан ("Монгол Улсын аварга Ч.Санжаадамба vs. Үндэсний бөхийн салбар хороо" кэйс) нь нийтийн эрх зүйн маргаан мөн тул захиргааны хэргийн шүүхийн харьяалан шийдвэрлэх маргаан болно гэж үзэж байгаа төдийгүй үүнийгээ шүүхийн шийдвэрт үндэслэн шүүмж бичих замаар онолын үүднээс тайлбарлахыг зорьлоо.
Энэхүү хэрэг маргааны онцлог тал нь манай улсын захиргааны хэргийн шүүхийн практикт түгээмэл гардаггүй маргаан болохоос гадна хамгийн гол нь захиргааны хэргийн шүүхийн харьяалан шийдвэрлэх маргааны хийгээд захиргааны хэргийн шүүхийн эрх зүйн хяналтын хүрээ хязгаар юу байх вэ? гэдэг суурь асуудалд хариулт өгөхөд чухал ач холбогдолтой кэйс болсон тул уг дүн шинжилгээгээр дамжуулан захиргааны хэргийн шүүхийн хийх эрх зүйн хяналтын хүрээ хязгаарыг тодруулан авч үзэхийг зорьсон болно.

Шүүхийн эрх зүйн хяналт, шүүхийн магадлах ажиллагаа, хуульд үндэслэх зарчим, зорилгодоо нийцсэн, бодит нөхцөл байдалд тохирсон байх зарчим