Олон тооны хэрэглэгчийн эрх ашгийг хамгаалж нэхэмжлэл гаргах эрх зүйн зохицуулалт

Төмөрбаатарын Бадрах

Эрдэм шинжилгээний өгүүлэл

Иргэний процессын эрх зүй, Хэрэглэгчийн эрх

2015 онд АНУ-д 475000 автомашины удирдлагын схемд гарсан алдааг нуун дарагдуулсан Фольксваген үйлдвэрээс нөхөн төлбөр гаргуулан хэрэглэгчдэд учирсан хохирлыг барагдуулсан нь шуугиан тарьж байсан. Үүний гол асуудал нь 475000 хэрэглэгч шүүхэд хандаж, 475000 удаагийн шүүх хурал, шүүхийн шийдвэр гараагүйд оршино. Энэхүү тохиолдол нь Англид анхлан үүссэн “Class action” гэх тодорхойгүй тооны хэрэглэгчдийн эрх ашгийг хамгаалж нэг хэсэг нь нэхэмжлэл гаргах замаар нийт хохирогчдод учирсан хохирлыг барагдуулах үйл явцын жишээ юм.
Монгол улсын хувьд 2002 онд Иргэний хуулийг шинэчлэн найруулахдаа худалдааны, хэрэглэгчийн гэрээний асуудлыг үүргийн ерөнхий харилцаанд багтааж, үүнийг дагасан процессийн хууль батласан. Тиймээс хэрэглэгчийн гэрээний нарийвчилсан зохицуулалт, хэрэглэгчийн эрхийг шуурхай хангах асуудал орхигдсон. Иймд хэрэглэгчийн эрх ашгийг хамгаалах “Class action” буюу “Олон тооны хэрэглэгчийн эрх ашгийг хамгаалж нэхэмжлэл гаргах” зохицуулалтыг Монголын хөрсөнд буулгах цаг болсон гэж үзэж энэ судалгааны ажлыг хийлээ. Мөн олон тооны хэрэглэгчийн эрх ашгийг хамгаалж нэхэмжлэл гаргах ухагдахууныг Монголын эрх зүйн орчинд нэвтрүүлэх арга зүй, зохицуулалтыг судлахыг зорив.
Зорилгодоо хүрэхийн тулд гадаад улсын эрх зүйн зохицуулалт, өөрийн улсын төстэй харилцааг харьцуулан судлах, рецепчлэх боломжтой хувилбарыг гаргаж ирэх зорилт тавьж, харьцуулалтын, логикийн, дүн шинжилгээ хийх аргуудыг сонгож ашигласан.
Судалгаагаар олон тооны хэрэглэгчийн эрх ашгийг хамгаалж нэхэмжлэл гаргах эрх зүйн зохицуулалтыг Монголын хууль зүйн шинжлэх ухааны салбарт бий болоогүйг тогтоож, хэрэв уг судалгааны сэдэв болгож буй зохицуулалт хуульчлагдсан тохиолдолд хэрэглэгчдийн зөрчигдсөн эрхийг хугацаа, зардлын ашигтай байдлаар шийдвэрлэх боломж бүрдэх практик ач холбогдолтой болохыг батласан болно.

Class action, олон тооны хэрэглэгчийн эрхийг хамгаалах, хэрэглэгчийн эрх ашгийг хамгаалж нэхэмжлэл гаргах, Худалдааны эрх зүй, арилжааны эрх зүй.
Keywords: Class action, defend the rights of a large number of consumers, defend the rights of a large number of consumers and make a claim.

2021-04-21

8

Монгол

Бүрэн эхээр нь үзэх

2021-06-08

3923

75

9

Т.Бадрах “Олон тооны хэрэглэгчийн эрх ашгийг хамгаалж нэхэмжлэл гаргах эрх зүйн зохицуулалт” (2021), ... дахь/дэх тал. Legaldata-аас унших боломжтой: https://legaldata.mn/b/974

Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх