Бүтээлийн нэр
Монгол улсын хууль тогтоомж дахь хуулийн этгээдийн ойлголт, нэр томьёоны хэрэглээ
Зохиогч
Хууль зүйн үндэсний хүрээлэн
Хэлбэр
Судалгааны тайлан
Салбар
Бүтээлийн товч
Монгол Улсад нийт 798 хууль хүчин төгөлдөр үйлчилж байгаагаас зөвхөн “хуулийн этгээд” гэсэн нэр томьёо орсон 190 хууль байна. Монгол Улсын Үндсэн хууль болон бусад 189 хуульд хуулийн этгээд гэдэгт ямар байгууллагыг ойлгож, хэрэглэж байгаад дүн шинжилгээ хийсэн судалгаа одоогоор байхгүй байна. Хуулийн этгээдийг улсын бүртгэлд бүртгэх, хуулийн этгээдийн төрлүүдийн эрх зүйн байдлыг хууль тогтоомжоор тодорхойлохдоо Иргэний хуулийн Дөрөвдүгээр бүлэгт зааснаас өөрөөр хуульчилснаас болж хуулийн этгээд гэдэг ухагдахууныг нэг мөр ойлгох, хэрэглэхэд бэрхшээлтэй байна.

Тухайлбал, холбоо, сан зэрэг хуулийн этгээд болон шашны байгууллага, музейг төрийн бус байгууллага гэж бүртгэж, Монголын Хуульчдын холбоо, Монголын Өмгөөлөгчдийн холбоог нийтийн эрх зүйн хуулийн этгээд гэж тодорхойлсон хэрнээ зарим хууль тогтоомжид тэдгээрийг нийтийн эрх зүйн этгээд, эсхүл мэргэжлийн холбоо хэмээн зохицуулж байгаагаас болж онол, практикийн зөрүүтэй асуудал Монгол Улсын хууль тогтоомжид үүсгэж байна. Түүнчлэн нийтийн эрх зүйн хуулийн этгээд, нийтийн эрх зүйн этгээд гэсэн хоёр ойлголт зэрэгцэн оршиж байгаа нь хууль ойлгомжтой, нэг мөр байх боломжийг хязгаарлаж байх тул эдгээр ойлголтыг нэгтгэх,
эсхүл зөрүүтэй ойлголтуудыг жигдлэх шаардлага бий болжээ.

Мөн ашгийн төлөө бус хуулийн этгээдийг төрийн бус байгууллага гэсэн нэг нэршил дор бүртгэж, ойлгож байгаа нь ойлголт, ангиллын хувьд зөрчилдөөн үүсгэж байна. Үүнээс болж хоорондоо ялгаатай байгууллагын харилцааг нэг хуулиар зохицуулж, зарим ашгийн төлөө үйл ажиллагаа явуулдаг хуулийн этгээд татвараас зайлсхийх зорилгоор төрийн бус байгууллагын нэрээр үйл ажиллагаагаа явуулж, цаашлаад мөнгө угаах арга хэрэгсэл болох эрсдэл бодитойгоор бий болжээ.

Үүнийг гавьяат хуульч Б.Чимид өөрийн бүтээлдээ: “Нэг мөр тогтсон нэр томьёогүйгээр үзэгдэл, юмс, түүний хөгжлийн жам ёсны тухай шинжлэх ухааны ойлголтыг төсөөтэй бусад олон ухагдахуунаас ялгаж илэрхийлэх аргагүй. Бас мэргэжил эзэмших, бүр нарийн мэргэших боломжгүй. Энэ нь хууль зүйн шинжлэх ухаанд нэг адил учир холбогдолтой. Тэр дундаа эрх зүйн тухайн шинжлэх ухаан, ялангуяа монголчууд бидний амьдралд дөнгөж нэвтэрч эхлэн төлөвшиж буй бизнесийн эрх зүйд: 1/ нэр томьёог зөв оноож; 2/ нэг мөр хэрэглэж; 3/ нэг янзаар
ойлгож хэвших нь бүр ч тулгамдсан хэрэгцээ болов” гэжээ.

Иймд эрх зүйн харилцааны гол субъект болох хуулийн этгээдийн ойлголт, түүний эрх зүйн чадвар, төрөл, бүртгэл, хэрэглээг судлах шаардлага зүй ёсоор тавигдаж байна. Үүнийг судалснаар төрөөс эрх зүйн шинэчлэлийн хүрээнд хийгдэх ажилд чухал хувь нэмэр оруулах бөгөөд хууль тогтоомж дахь хийдэл, зөрчил, давхардлыг арилгахад ач холбогдолтой юм.
Түлхүүр үг
Хуулийн этгээд, Хуулийн этгээдийг улсын бүртгэлд бүртгэх, Хуулийн этгээдийн төрлүүдийн эрх зүйн байдал, Иргэний хууль
Бичигдсэн огноо
2022-01-06
Хуудсын тоо
97
Хэл
Монгол
Бүтээл
Бүрэн эхээр нь үзэх
Байршуулсан огноо
2023-12-07
Товч мэдээлэл үзсэн
1206
Бүрэн эхээр нь үзсэн
35
Эшлэлийн тоо
108
Санал болгож буй эшлэлийн загвар
Хууль зүйн үндэсний хүрээлэн “Монгол улсын хууль тогтоомж дахь хуулийн этгээдийн ойлголт, нэр томьёоны хэрэглээ” (2022), ... дахь/дэх тал. Legaldata-аас унших боломжтой: https://legaldata.mn/b/1753
Цуглуулганд нэмэх
Бүтээлийг цуглуулгандaa нэмэхийн тулд нэвтэрсэн байх шаардлагатай.
Бүртгэлтэй бол нэвтрэх | Бүртгэлгүй бол бүртгүүлэх
Эшлэлүүд
  1. Нэг удаагийн шинжтэй хуулиудыг оруулаагүй болно.
  2. Б.Чимид, Үндсэн хуулийн үзэл баримтлал: Хүний эрх, шүүх эрх мэдэл, Хоёрдугаар дэвтэр, 2004, 91 дэх тал.
  3. Б.Буянхишиг, Иргэний эрх зүйн ерөнхий анги, 2014; Б.Тэмүүлэн, Д.Энхзул, Б.Буянхишиг, Иргэний эрх зүйн ерөнхий анги, 2010; Э.Байгал, Иргэний эрх зүйн ерөнхий анги, 2009; О.Жамбалдорж, Монгол Улсын Иргэний эрх зүй ерөнхий үндэслэл. I дэвтэр, 2004 зэрэг бүтээлийг дурдаж болно.
  4. Англо-саксоны эрх зүйн бүлийн орнуудад “корпораци” болон “хуулийн этгээд”-ийг ижил утгаар хэрэглэдэг.
  5. Passive capacity.
  6. Active capacity.
  7. Иргэний хууль дахь иргэний эрх зүйн чадвараас илүү өргөн хүрээтэй, зарим талаараа нэг агуулгатай ойлголт бөгөөд монгол хэлэнд буулгаж байгаагүй байна.
  8. Legal personality гэж хүнээс бусад этгээд (хуулийн этгээд, амьтан, гол, ус, хиймэл оюун ухаан)-ийн эрх зүйн чадварыг илэрхийлж буй ойлголт байна. Харин legal personhood гэж шинээр бий болж буй ойлголт бөгөөд энэхүү судалгаагаар хуулийн этгээдийн эрх зүйн чадварын мөн чанарыг ойлгоход тус онолыг ашиглах бөгөөд хүнээс бусад амьтан, хиймэл оюун ухааны эрх зүйн чадварын асуудлыг хөндөөгүй болно.
  9. Монгол Улсын Иргэний хуулийн 25 дугаар зүйлийн 25.1 дэх хэсэг.
  10. Б.Тэмүүлэн, Д.Энхзул, Б.Буянхишиг, Иргэний эрх зүйн ерөнхий анги. Анхны хэвлэл. УБ., 2010. 236-237 дахь тал.
  11. A Theory of Legal Personhood. Visa A.J.Kurki. 2019. Oxford University. Холбоос: www.oxford.universitypressscholarship.com
  12. Иргэний эрх зүйн чадвар нь төрснөөр бий болж, нас барснаар дуусгавар болдог бөгөөд байгалийн жам ёсоор хүн амьд байх үйл явцтай холбоотой учраас хүнийг “natural person” гэж; хуулийн этгээдийн эрх зүйн чадвар нь улсын бүртгэлд бүртгүүлснээр үүсч, хууль заасны дагуу татан буугдаж, бүртгэлээс хасагдсанаар дуусгавар болж байх тул “legal person” гэж тус тус үзсэн байх боломжтой.
  13. Royal Spanish Academy, voice Person, Dictionary of Spanish Language. Espasa, 1593. Дам ишлэв:Elvia Arcelia Quintana Adriano. Natural persons, juridical persons and legal personhood. Mexican Law Review, Vol.VIII, No.1. p.104.
  14. https://languages.oup.com/google-dictionary-en/
  15. Royal Spanish Academy, voice Person, Dictionary of Spanish Language. Espasa, 1593. Дам ишлэв:Elvia Arcelia Quintana Adriano. Natural persons, juridical persons and legal personhood. Mexican Law Review, Vol.VIII, No.1. p.106-107.
  16. Герман улсын нэрт хуульч, түүхч, сэтгэгч бөгөөд хийсвэрлэх онол (Personificationstheorie)-ыг үндэслэгч.
  17. Савиньи Ф. К. Система современного римского права. Т.1. М., 2011. стр.138.
  18. Анатолий Коструба. Теория юридического лица: Интегративный подход. Учреждение образования Гродненский Государственный Университет имени Янки Купалы. Проблемы гражданского права и процесса. 2020. стр.81 https://hal.archives-ouvertes.fr/hal-03114548/document
  19. Герман улсын нэрт хуульч, улс төрч бөгөөд зорилгын онолыг үндэслэгч.
  20. Arthur W.Machen, Jr. Corporate personality. Harvard Law Review, Feb., 1911. Vol.24, No.4. p.256 https://www.jstor.org/stable/1234056
  21. Органицизм нь “байгууллагын нэгдэл нь хувь хүнтэй харьцуулахад бодитой байгууллага мөн” гэж үздэг.
  22. Энэхүү сэтгэлгээний дагуу нийгэмд тусдаа ухамсартай бие хүмүүсийн бүлгээс гадна тусдаа ухамсартай нэгдэл байдаг учраас хувь хүнээс гадна хуулийн этгээд орших нь асуудалгүй юм.
  23. Нийгмийн организмын онолыг баримтлагчдын томоохон төлөөлөгч бол Отто Гиерк (Otto Gierke) бөгөөд тэрээр “нэгдсэн этгээд бол гишүүдийнхээ хувьд гуравдагч этгээд бус, харин тэдгээрийг эрхийн хувьд нэг цул болгон нэгтгэж буй органик холбоос юм. Тиймээс нэгдсэн этгээд нь түүнийг бүрдүүлж буй бүлэг хүмүүсээс салшгүй холбоотойгоор дээр нь оршино. Энэ бол нэгдэл бүхий өвөрмөц байгууллага юм” гэжээ.
  24. Италийн нэрт эдийн засагч, улс төрийн ухааны эрдэмтэн. Тэрээр Адам Смит, Дэвид Рикардо нарын эдийн засгийн сонгодог онолыг Италийн шинжлэх ухаанд нэвтрүүлсэн хүн бөгөөд формалист онолыг үндэслэгч юм.
  25. Англи хэлэнд “legal personality”, орос хэлэнд “правосубъектность” гэж хэлдэг байна. Уг ойлголт эрх зүйн чадвар болон чадамжийг өөртөө багтаасан тул энэхүү судалгааны хүрээнд монгол хэлэнд эрх зүйн чадавх гэж орчуулав.
  26. Сабирова Л.Л. Теоритические и правовые основы юридических лиц в российском и зарубежном праве. Вестник экономики, права и социологии, 2014, No2. стр.143.
  27. Гордеева Ж.А. Правоспособность и правосубъектность: к вопросу о содержании и соотношении понятий. https://cyberleninka.ru/article/n/pravosposobnost-i-pravosubektnost-k-voprosu-o-soderzhanii-i-sootnoshenii-ponyatiy/viewer
  28. С.Нарангэрэл, Монгол Улсын хууль зүйн нэвтэрхий толь бичиг, 2021, 629 дэх тал.
  29. Мөн тэнд.
  30. Э.Байгал, Иргэний эрх зүйн ерөнхий анги, 2009, 45-46 дахь тал.
  31. О.Жамбалдорж, Монгол Улсын Иргэний эрх зүй ерөнхий үндэслэл. I дэвтэр, 2004. 118 дахь тал.
  32. Б.Чимид, Үндсэн хуулийн үзэл баримтлал: Нийтлэг үндэслэл. Нэгдүгээр дэвтэр, 2004. 315-316 дахь тал.
  33. https://www.1212.mn/
  34. Б.Чимид, Үндсэн хуулийн үзэл баримтлал: Хүний эрх, шүүх эрх мэдэл, Хоёрдугаар дэвтэр, 2004, 93 дахь тал.
  35. Иргэний хуулийн 35 дугаар зүйлийн 35.1 дэх хэсэг.
  36. Иргэний хуулийн 36 дугаар зүйлийн 36.1 дэх хэсэг.
  37. Иргэний хуулийн 143 дугаар зүйлийн 143.3 дахь хэсэг.
  38. http://forum.parliament.mn/projects/11200
  39. Иргэний хуулийн 36 дугаар зүйлийн 36.2 дахь хэсэг.
  40. Баасанжав Консалтинг ХХК, Төрийн бус байгууллагын тухай хуулийг шинэчлэн найруулах хэрэгцээ, шаардлагын тандан судалгаа, 2017, 23 дахь тал.
  41. П.Одгэрэл, Захиргааны эрх зүйн ерөнхий анги, 2016, 109 дэх тал.
  42. Иргэний хуулийн 36 дугаар зүйлийн 36.4 дэх хэсэг.
  43. https://www.gdrc.org/ngo/peter-willets.html#one
  44. Төрийн бус байгууллагын тухай хуулийн 4 дүгээр зүйлийн 1 дэх хэсэг.
  45. Г.Совд, Монгол Улсын Үндсэн хуулийн тайлбар, 2000, 103 дахь тал.
  46. https://www.humanrightscareers.com/issues/types-of-ngos/
  47. United States Department of State. 2021. Non-Governmental Organizations (NGOs) in the United States- United States Department of State. https://www.state.gov/non-governmental-organizations-ngos-in-the-united-states/
  48. https://www.legislationline.org/documents/action/popup/id/8082
  49. Иргэдэд туслах хүний эрхийн төв ТББ, Ашгийн бус байгууллагын талаарх Монгол Улсын эрх зүйн зохицуулалт. Эрх зүйн дүн шинжилгээ, 2018, 12 дахь тал.
  50. https://ikon.mn/n/2dtf?fbclid=IwAR2adhmYsbi8kRCZ3i2KVdcOvG16Hv9AlMHQVYNlf9yGey93eeRhEIOpxLg
  51. Баасанжав Консалтинг ХХК, Төрийн бус байгууллагын тухай хуулийг шинэчлэн найруулах хэрэгцээ, шаардлагын тандан судалгаа, 2017, 15-16 дахь тал.
  52. Монгол Улсын Иргэний хуулийн шинжлэх ухааны тайлбар, 2015, 49 дэх тал.
  53. О.Жамбалдорж, Монгол Улсын Иргэний эрх зүй ерөнхий үндэслэл, I дэвтэр. 2004, 126 дахь тал.
  54. Сулейменов М.К., Карагусов Ф.С., Кот А.А., Дуйсенова А.Е., Скрябин С.В. О понятии и правовом статусе юридических лиц публичного права в законодательстве некоторых развитых иностранных государствах и бывших советских республиках.
  55. Мөн тэнд.
  56. Үз: Kenneth C. Cole. The Theory of the State as a Sovereign Juristic Person. The American Political Science Review. Vol.42, No.1, 1948. p.16-31 https://doi.org/10.2307/1949458
  57. В.Е.Чиркин. Юридическое лицо публичного права. https://cyberleninka.ru/article/n/yuridicheskoe-litso-publichnogo-prava/viewer
  58. Сулейменов М.К., Карагусов Ф.С., Кот А.А., Дуйсенова А.Е., Скрябин С.В. О понятии и правовом статусе юридических лиц публичного права в законодательстве некоторых развитых иностранных государствах и бывших советских республиках.
  59. МУ-ын ҮХ-ийн 16 дугаар зүйлийн 16.10-д “...олон нийтийн бүх байгууллага нийгэм, төрийн аюулгүй байдлыг сахиж хуулийг дээдлэн биелүүлнэ...” гэж зааснаас үзвэл ашгийн төлөө үйл ажиллагаа явуулж буй хувийн эрх зүйн хуулийн этгээдийн үйл ажиллагаа нь нийтийн ашиг сонирхлыг хангаж байх шаардлагатай байна.
  60. Оросын эрдэмтэн В. И.Чиркин “Нийтийн эрх зүйн этгээд” өгүүлэлдээ нийтийн эрх зүйн хуулийн этгээдийн шинжүүдийг тодорхойлсон байх бөгөөд нийтийн эрх зүйн этгээд нь дандаа бүртгүүлээд байх шаардлага байдаггүй харин ямар нэгэн хууль зүйн баримт бичиг дээр тулгуурлан байгуулагдаж, үйл ажиллагаа явуулдаг гэж бичжээ. https://cyberleninka.ru/article/n/yuridicheskoe-litso-publichnogo-prava/viewer
  61. Хуулийн нөхөрлөл Өмгөөллийн ивээл баг. Орон нутгийн чиг үүргийг хэрэгжүүлэхэд орон нутгийн өмчийн төрөл, ангилал, зохион байгуулалтын талаарх судалгааны тайлан. УБ., 2021. 63 дахь тал.
  62. Мөн тэнд.
  63. Хууль зүйн үндэсний хүрээлэн, Төрийн бус байгууллагад төрийн зарим чиг үүргийг гэрээний үндсэн дээр шилжүүлэх нь-харьцуулсан судалгаа. 2013, 23 дахь тал.
  64. Иргэдэд туслах хүний эрхийн төв ТББ, Ашгийн бус байгууллагын талаарх Монгол Улсын эрх зүйн зохицуулалт. Эрх зүйн дүн шинжилгээ. 2018, 22 дахь тал.
  65. Д.Баярсайхан, Эрх зүйн онол.1996, 227 дахь тал.
  66. Төв банк /Монголбанк/-ны тухай хуулийн 35 дугаар зүйлийн 35.1 дэх хэсэг.
  67. Б.Чимид, Үндсэн хуулийг дээдлэн шүтэх ёс. Ихэс дээдэс, хүн бүрт хандсан дөрвөн өчил, 2006, 86 дахь тал.
  68. Б.Чимид, Үндсэн хуулийн үзэл баримтлал. 2 дахь хэвлэл, 183 дахь тал.
  69. П.Одгэрэл, Захиргааны эрх зүйн ерөнхий анги, 2016, 106-110 дахь талаас дэлгэрэнгүй үзнэ үү.
  70. Н.Баярмаа, Нийтийн эд юмсын эрх зүй: Монгол Улс дахь төрийн болон Орон нутгийн өмчийн эрх зүйн зохицуулалтын өнөөгийн байдал, тулгамдсан асуудал, шийдвэрлэх арга зам, 2018, 29 дэх тал.
  71. Мөн тэнд, 37 дахь тал.
  72. Б.Чимид, Үндсэн хуулийн үзэл баримтлал: нийтлэг үндэслэл. Нэгдүгээр дэвтэр, 2004, 318 дахь тал.
  73. Б.Чимид, Үндсэн хуулийн үзэл баримтлал: Нийтлэг үндэслэл. Нэгдүгээр дэвтэр, 2004, 319 дэх тал.
  74. Н.Баярмаа, Нийтийн эд юмсын эрх зүй: Монгол Улс дахь Төрийн болон орон нутгийн өмчийн эрх зүйн зохицуулалтын өнөөгийн байдал, тулгамдсан асуудал, шийдвэрлэх арга зам, 2018.
  75. Монгол Улсын Засгийн газрын хэрэг эрхлэх газрын 2020 оны 08 дугаар сарын байдлаар мэдээлсэн тоо.
  76. Н.Баярмаа, Төрийн нийтийн өмч: Газар ба үл хөдлөх эд хөрөнгө, газрын хэвлийн баялаг ба хувьцаа, 2021, 73 дахь тал.
  77. Convention on the Settlement of Investment Disputes between States and Nationals of Other States (ICSID Convention), preamble.
  78. Мөн тэнд, 25 дугаар зүйлийн 1 дэх хэсэг.
  79. Aaron Broches, Selected Essays, World Bank, ICSID, and other Subjects of Public and Private International Law (Martinus Nijhoff Publishers 1995).
  80. Convention on the Settlement of Investment Disputes between States and Nationals of Other States (ICSID Convention), preamble, Article 25(2).
  81. Сабирова Л.Л. Теоретические и правовые основы юридических лиц в российском и зарубежном праве. Вестник экономики, права и социологии, 2014. No2. стр.143.
  82. https://zhazhda.biz/base/vidy-jurlic
  83. http://www.consultant.ru/
  84. Соломонов.Е.В. Виды юридических лиц: новое в гражданском законодательстве. Вестник Омского университета. Серия “Право”. 2015. No1 (42). стр.132.
  85. Казахстан улсын Иргэний хуулийн 33 дугаар зүйлийн 1 дэх хэсэг.
  86. https://adilet.zan.kz/eng/docs/K940001000_?fbclid=IwAR120eb3iU2d5jrkcBP6dSI2eW45PeVYvap6hABK5CZLrhQubfmoCyVP6S8
  87. Казахстан улсын Иргэний хуулийн 34 дүгээр зүйлийн 34.2 дахь хэсэгт зааснаар аж ахуйн нэгж нь хуулийн этгээдэд хамаардаг.
  88. Төрийн өмчийн тухай хууль, 2011, 34.3-1-р зүйл.
  89. Төрийн өмчийн тухай хууль, Law of the Republic of Kazakhstan dated 1 March 2011 No. 413-IV, 14-р зүйл, https://adilet.zan.kz/eng/docs/Z1100000413
  90. Мөн тэнд, 15-р зүйл.
  91. https://miit.ru/content/гражд+и+торг+право.pdf?id_vf=14346
  92. Феликсовна Б.З. Юридические лица: понятие, признаки, виды во Франции. М., 2017. стр.10-11.
  93. Steffen Wrttig, Eberhard Zehendner. The Electronic Agent: A Legal Personality under German Law.2003. https://www.researchgate.net/publication/228978997_The_electronic_agent_a_legal_personality_under_German_Law
  94. Б.Урангоо, Япон улсын иргэний хуулийн орчуулга. Ерөнхий үндэслэл, 2016, 15-16 дахь тал.
  95. Companies Act of Japan (Part I, Part II, Part III and Part IV) Law number: Act No. 86 of 2005, Article 6.2, http://www.japaneselawtranslation.go.jp/law/detail/?id=2035&vm=04&re=02
  96. Companies Act of Japan (Part I, Part II, Part III and Part IV) Law number: Act No. 86 of 2005, Article 3, http://www.japaneselawtranslation.go.jp/law/detail/?id=2035&vm=04&re=02,
  97. The Civil Code (Law No. 89, 27 April 1896) English: EHS No. 2100 II(FA-FAA), Art. 667-688.
  98. Scott K. Goldsmith, Japanese business entities, Case Western Journal of International Law, Volume 6, Issue 2, Artice 7, p.275.
  99. Limited Liability Partnership Act - Act No. 40 of 2005, Article 3.1 http://www.asianlii.org/jp/legis/laws/llpaan40o2005376/
  100. Commercial Code, Book 2 Ch.4 Article 535 http://www.japaneselawtranslation.go.jp/law/detail_main?re=&vm=02&id=2735
  101. Limited Partnership Act for Investment, Law number: Act No. 90 of 1998, Article 2.2. http://www.japaneselawtranslation.go.jp/law/detail/?id=3822&vm=2&re=
  102. The Civil Code, Act No. 89 of April 27, 1896, Article 35, http://www.japaneselawtranslation.go.jp/law/detail/?printID=&id=2057&re=02&vm=02
  103. Specified Nonprofit Activity Promotion Law (Act No. 7 of 1998) Chapter 4, Article 70 A, https://elaws.e-gov.go.jp/document?lawid=410AC1000000007 https://www.jnpoc.ne.jp/en/nonprofits-in-japan/legal-framework/
  104. Мөн тэнд, Article 2.1.
  105. Religious Corporations Act, Law number: Act No. 126 of 1951, Article 4.1, http://www.japaneselawtranslation.go.jp/law/detail/?ft=1&re=2&dn=1&x=43&y=15&co=01&ia==03&ja=04&ky=%E5%AE%97%E6%95%99%E6% B3%95%E4%BA%BA%E6%B3%95&page=1
  106. Bank of Japan Act, Law number: Act No. 89 of 1997, Article 6 http://www.japaneselawtranslation.go.jp/law/detail/?id=3788&vm=02&re=01
  107. National Property Law (Act No. 73 of 1952), https://elaws.e-gov.go.jp/document?lawid=323AC0000000073
  108. Local Public Enterprise Law (Act No. 292 of 1952), https://elaws.e-gov.go.jp/document?lawid=327AC0000000292_20191214_501AC0000000037&keyword=%E5%9C%B0%E6%96%B9%E5%85%AC%E5%96%B6%E4%BC%81%E6%A5%AD%E6%B3%95document?lawid=327AC0000000292_20191214_501AC0000000037&keyword=%E5%9C%B0%E6%96%B9%E5%85%AC%E5%96%B6%E4%BC%81%E6%A5%AD%E6%B3%95

МЭДЭЭ, МЭДЭЭЛЭЛ

Дам эшлэл (Secondary referencing/citing) авах тухай

4 days ago

“Сонгууль – 2024” эрдэм шинжилгээний илтгэлийн уралдаан зохион байгуулах удирдамж

1 week ago

Т.Алтангэрэл: Гадаадын хөрөнгө оруулалтын бодлого бол асар нарийн бодлого

1 week ago

2024 оны 10 дугаар сарын эрэлттэй бүтээлийн чансаа (ranking)

2 weeks ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд