Энэ тохиолдолд түрээсийн гэрээг улсын бүртгэлд бүртгүүлэхийг шаардахгүй

2022-11-17 Нийслэлийн Иргэний хэргийн давж заалдах шатны шүүх

Туршилтаар

 Магадлалын дугаар: 2020 оны 05 дугаар сарын 29-ний өдрийн 210/МА2020/01178

Хүчин төгөлдөр болсон.

2022 оны 11 дүгээр сарын 02-ны өдөр, шийдвэр-хураангуй: Дугаар 07 

“Мэргэн” ХХК иргэн Хангайгаас түрээсийн төлбөрт 8,500,000 төгрөг гаргуулахаар нэхэмжилсэн, хариуцагч Хангай нэхэмжлэлийн шаардлагыг эс зөвшөөрч “... түрээсийн гэрээг улсын бүртгэлд бүртгүүлээгүй учраас хүчин төгөлдөр бус, иймд 8,500,000 төгрөгийг төлөх үндэслэлгүй” гэх агуулгаар маргажээ. 

“Мэргэн” ХХК өөрийн өмчлөлийн 554.95 м.кв талбай бүхий барилгын зарим хэсэг болох 62 м.кв талбайг Хангайд түрээслүүлсэн, талууд түрээсийн гэрээ байгуулсан боловч гэрээг улсын бүртгэлд бүртгүүлээгүй байна.            

Анхан шатны шүүх “Мэргэн” ХХК-ийн нэхэмжлэлийг хангаж шийдвэрлэсэн, уг шийдвэрийг Хангай эс зөвшөөрч “... улсын бүртгэлд бүртгүүлээгүй түрээсийн гэрээ нь хүчин төгөлдөр бус” гэх агуулгаар давж заалдах шатны шүүхэд гомдол гаргажээ. 

Давж заалдах шатны шүүх хэргийг хянан үзээд, “Мэргэн” ХХК-ийн өмчлөлийн 554.95 м.кв талбайн зарим хэсэг болох Хангайгийн түрээсэлсэн 62 м.кв талбай нь тусдаа өмчлөх эрхийн гэрчилгээгүй байх тул түүнийг түрээслэх гэрээг үл хөдлөх хөрөнгийн бүртгэлийн газарт бүртгүүлэхийг шаардахгүй гэж дүгнэв.

Иргэний хуульд үл хөдлөх эд хөрөнгийн түрээсийн гэрээг бичгээр байгуулж, эд хөрөнгийн бүртгэлийн газарт бүртгүүлэхээр заасан хэдий ч үл хөдлөх эд хөрөнгийн зарим хэсгийг түрээслэх тохиолдолд түрээсийн гэрээг улсын бүртгэлд бүртгүүлэх хуулийн шаардлага тавигдахгүй, энэ тохиолдолд түрээсийн гэрээ хүчин төгөлдөр байх тул Хангай нь гэрээний дагуу түрээсийн төлбөр төлөх үүрэгтэй гэж үзлээ.

Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

Шийдвэрийг бүрэн эхээр нь үзэх бол энд дарна уу.

Хураангуй бэлтгэсэн: Нийслэлийн Иргэний хэргийн

давж заалдах шатны шүүхийн шүүгч Г.Даваадорж

Холбоосууд:

https://bit.ly/3V5lF9S

МЭДЭЭ, МЭДЭЭЛЭЛ

2025 оны 02 дугаар сарын эрэлттэй бүтээлийн чансаа

2 days ago

Ep45: Хүүхдийн хадгаламж ба зээлийн барьцаа

6 days ago

Ep44 | Газар эзэмших эрх дуусгавар болоход Засаг даргад газраа хүлээлгэн өгөх үүрэгтэй

1 week ago

Ep43 | ЗХХА-ыг хүчин төгөлдөр бус болохыг тогтоолгох нэхэмжлэл ба Ковидын тусгаарлалт

2 weeks ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд