Мэргэшлийн зэрэг олгох шалгалтыг цахимаар зохион байгуулах чиглэл өгсөн нь журмыг зөрчих үндэслэл болохгүй
Туршилтаар
Шүүхийн шийдвэрийн огноо, дугаар: 2022.08.23-ны өдрийн 128/ШШ2022/0612
Шийдвэрийн төлөв: Хүчин төгөлдөр болсон
2022.11.30 Хураангуй- 9
Иргэн Ц.А, С.Э нар нь Хүүхдийн анагаах мэргэшлийн зэрэг олгох шалгалтад оролцохоор холбогдох дүрэм журамд заасны дагуу материалаа бүрдүүлэн өгч, шалгалтад оролцох эрх олгогдсон байна. Эрүүл мэндийн яамны Төрийн нарийн бичгийн даргын 2021 оны 2/4505 дугаар албан бичгээр ирүүлсэн цар тахалтай холбоотойгоор шалгалтыг “зайн хэлбэрээр зохион байгуулах” чиглэл ирүүлсэн бөгөөд Монголын хүүхдийн анагаахын академиас шалгалтыг зохион байгуулахдаа тайлан хамгаалалт явуулахгүйгээр, нууц санал хураалтаар цахимаар зохион байгуулж, Ц.А, С.Э нар шалгалтад тэнцээгүй байна.
Улмаар нэхэмжлэгч Ц.А, С.Э нараас Монголын хүүхдийн анагаахын академийн хүүхдийн анагаах мэргэшлийн зэрэг олгох үйл ажиллагааг зохион байгуулах комисст холбогдуулан “журамд зааснаар шалгалтыг зөвхөн тайлан хамгаалалтаар авах ёстой, шалгалтыг зохион байгуулахдаа журмыг зөрчсөн тул дахин шалгалт авах ёстой” гэж маргасан бөгөөд хариуцагчаас “цахимаар зохион байгуулах чиглэл ирсний дагуу зохион байгуулсан, журамд жилд 1 л удаа шалгалт зохион байгуулахаар заасан тул шалгалт зохион байгуулах боломжгүй” гэж мэтгэлцжээ.
Маргааны үйл баримтаас үзэхэд Эрүүл мэндийн сайдын 2019 оны А/513 дугаар тушаалаар баталсан “Мэргэшлийн зэрэг олгох, нөхөн олгох, хүчингүй болгох журам”-ын 8.4-т “шалгалтыг тайлан хамгаалалтаар нээлттэй авах”-аар зохицуулсан байхад 2/4505 дугаар албан бичгээр ирүүлсэн “зайн хэлбэрээр зохион байгуулах” чиглэлийг хэрэгжүүлэхдээ тайланг нээлттэй хэлбэрээр хамгаалуулаагүй нь буруу, А/513 дугаар тушаалаар баталсан “Мэргэшлийн зэрэг олгох, нөхөн олгох, хүчингүй болгох журам”-ыг зөрчсөн байна.
Мөн Эрүүл мэндийн сайдын 2019 оны А/513 дугаар тушаалаар тухайн шалгалтыг зохион байгуулах журам баталсан байхад Монголын хүүхдийн анагаахын академийн зүгээс дахин өөр журам баталж, уг журмын дагуу шалгалт зохион байгуулсан нь эрх хэмжээгээ хэтрүүлсэн гэж шүүх үзсэн болно.
Шүүхээс Монголын хүүхдийн анагаахын академийг журам зөрчиж шалгалт зохион байгуулсны улмаас нэхэмжлэгчийн эрх, хууль ёсны ашиг сонирхол зөрчигдсөн гэж үзэж шалгалтыг дахин зохион байгуулахыг даалгаж шийдвэрлэсэн байна.
Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.
Шүүхийн шийдвэрийг бүрэн эхээр нь үзэх бол ЭНД дарна уу.
Хураангуй бэлтгэсэн: Нийслэл дэх Захиргааны хэргийн анхан шатны шүүхийн шүүгч Ц.Одмаа
Холбоосууд:
ШҮҮХИЙН ШИЙДВЭРИЙН ХУРААНГУЙ
-
Төрийн албан хаагчийн төрд учруулсан хохирлыг нэхэмжлэн гаргуулахад гэм буруугийн хэлбэрийг харгалзан үзнэ.
2025-04-17
-
Бизнесийн нэрийн маргаан (Бодь ХХК vs Бодь-Интернэшнл ХХК)
2025-04-14
-
Бие даан нэр дэвшихэд 801-ээс доошгүй гарын үсэг зуруулах нь үндсэн хууль зөрчсөн тухай 2025 оны 01 дүгээр дүгнэлтийн тойм
2025-04-10
-
DONOLOI BADAMKHAND
2025-04-19 Эрдэм шинжилгээний өгүүлэлдуудаж байна ! -
DONOLOI BADAMKHAND
2025-04-17 Эрдэм шинжилгээний өгүүлэлдуудаж байна ! -
Энхээгийн Батбаяр Бадамдоогийн Ганболд
2025-04-17 Нэг сэдэвт бүтээлдуудаж байна ! -
Төмөрбаатарийн Лхагважаргал
Түрэмгий харь зүйл амьтан, ургамлыг хуулиар ялгамжтай тодорхойлох, эрх зүйн хийдлийг арилгах асуудал2025-04-15 Нийтлэлдуудаж байна ! -
Эрдэнэбаатар Эрхбилгүүн
2025-04-15 Эрдэм шинжилгээний өгүүлэлдуудаж байна ! -
Judilogy
2025-04-14 Мэдээллийн хуудасдуудаж байна ! -
Оюуны Инноваци ТББ
2025-04-12 Судалгааны тайландуудаж байна ! -
Зоригтбаатарын Буяндаваа
2025-04-11 Нийтлэлдуудаж байна ! -
Алтанцэцэгийн Пүрэвдулам
2025-04-09 Эрдэм шинжилгээний өгүүлэлдуудаж байна ! -
Алтанцэцэгийн Пүрэвдулам
2025-04-07 Эрдэм шинжилгээний өгүүлэлдуудаж байна !