Хүндэтгэн үзэх шалтгаангүй бол өмгөөлөгч өөр өмгөөлөгчөөс эрх зүйн туслалцаа авах үндэслэлээр шүүх хуралдааныг хойшлуулахгүй

2022-08-31 Сонгинохайрхан дүүргийн Иргэний хэргийн анхан шатны шүүх

Иргэн Од нь хууль зүйн туслалцаа авах эрхээ хэрэгжүүлж, өөрийн эрх, хууль ёсны ашиг сонирхлыг шүүхэд хамгаалуулахаар өмгөөлөгч Батад өөрийгөө төлөөлөх эрх олгож, хэрэг хянан шийдвэрлэх ажиллагаанд өөрийн итгэмжлэгдсэн төлөөлөгчөөр томилсон бөгөөд хэргийг хэлэлцэх шүүх хуралдааны явцад Бат нь  “ …өмгөөлөгчөөс эрх зүйн туслалцаа авах шаардлагатай” гэж шүүх хуралдааныг хойшлуулах хүсэлт гаргав.

Хариуцагчийн итгэмжлэгдсэн төлөөлөгч Бат нь иргэн, эрүү, захиргааны хэрэг хянан шийдвэрлэх ажиллагаагаар мэргэшсэн өмгөөлөгч бөгөөд шүүхэд гаргасан хүсэлтдээ “хэрэг хянан шийдвэрлэх ажиллагаанд өмгөөлөгчийн хувиар бус “итгэмжлэгдсэн төлөөлөгч”-ийн хувиар оролцож байгаа”  гэж тайлбарлажээ.

Хэргийн оролцогч, өмгөөлөгч, төлөөлөгч нь хүндэтгэн үзэх шалтгааны улмаас шүүх хуралдааныг хойшлуулах хүсэлт гаргах эрхтэй юм.

Энэ тохиолдолд, хуульчийн мэргэжлийн үйл ажиллагаа явуулж, иргэн Одыг шүүхэд төлөөлж байгаа мэргэшсэн өмгөөлөгч Батын өөр өмгөөлөгчөөс эрх зүйн туслалцаа авах шалтгаан нь “шүүх хуралдааныг хойшлуулах хүндэтгэн үзэх шалтгаан” биш гэж шүүх үзэж, түүний хүсэлтийг хангахаас татгалзаж шийдвэрлэсэн.

Санамж:

Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно. Мөн зохиомол нэр ашигласан болно.

Хураангуй бэлтгэсэн: Сонгинохайрхан дүүргийн Иргэний хэргийн анхан шатны шүүхийн шүүгч Б.Хишигбаатар

Холбоосууд:

https://bit.ly/3KMV65A
https://bit.ly/3BiTzkF

МЭДЭЭ, МЭДЭЭЛЭЛ

2025 оны 3 дугаар сарын эрэлттэй бүтээлийн чансаа

2 weeks ago

2025 оны 02 дугаар сарын эрэлттэй бүтээлийн чансаа

1 month ago

Ep45: Хүүхдийн хадгаламж ба зээлийн барьцаа

1 month ago

Ep44 | Газар эзэмших эрх дуусгавар болоход Засаг даргад газраа хүлээлгэн өгөх үүрэгтэй

1 month ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд