Бусдын эд хөрөнгийг дээрэмдсэн гэх үйлдлийг цагаатгаж шийдвэрлэжээ

2023-01-02 Нийслэлийн Эрүүгийн хэргийн давж заалдах шатны шүүх

Туршилтаар

Шийдвэрийн дугаар: 2022 оны 08 сарын 30 өдөр 861 

Шийдвэрийн төлөв: Хүчин төгөлдөр болсон 

2022.12.15 шийдвэр-хураангуй: дугаар 10

“Н” нь өөрийн найз бүсгүйгээ түүний өөрийнх нь эзэмшлийн тээврийн хэрэгслээс нь гар руу нь цохих зэргээр хүч хэрэглэн чирч буулган тээврийн хэрэгсэл болон гар утас зэргийг дээрэмдэн авч нийт 10.350.000 төгрөгийн хохирол учруулсан гэмт хэрэгт холбогджээ. 

Прокуророос “Н”-г бусдын эд хөрөнгийг хүч хэрэглэж авахаар довтолж дээрэмдсэн хэмээн дүгнэж, яллах дүгнэлт үйлдэж, хэргийг шүүхэд шилжүүлсэн байна. 

Анхан шатны шүүх “Н”-г бусдын эд хөрөнгийг хүч хэрэглэж, хүч хэрэглэхээр заналхийлж авахаар довтолсон гэмт хэрэг үйлдсэн гэм буруутайд тооцож, түүнд хуульд заасан 2 жилийн хугацаагаар хорих ял оногдуулж шийдвэрлэжээ. 

Харин давж заалдах шатны шүүх шүүгдэгч “Н”-ийн зүгээс “...оногдуулсан ялыг хөнгөрүүлж өгнө үү...” гэх агуулга бүхий давж заалдах гомдол гаргаснаар хэргийг бүхэлд нь хянан хэлэлцээд, прокуророос “Н”-д холбогдуулан яллах дүгнэлт үйлдэж ирүүлснийг хувийн таарамжгүй харьцаанаас болж муудалцан гар руу нь цохиж, машинаас нь чирч буулган орхиод машиныг нь жолоодож явсан нь дээрэмдэх гэмт хэргийн шинжгүй гэж үзэж хэргийг хэрэгсэхгүй болгож шийдвэрлэжээ. 

Учир нь “Н” ба хохирогч нар нь хамтран амьдардаг буюу дотно харилцаатай бөгөөд “Н”-ийн үйлдэлд дээрэмдэх гэмт хэргийн хүндрүүлэн үзэх үндсэн шинж болох бусдын эд хөрөнгийг хүч хэрэглэж, хүч хэрэглэхээр заналхийлж авахаар хохирогч руу довтолсон шинжгүй, мөн дээрмийн гэмт хэргийн үндсэн шинж болох эд хөрөнгийг шамшигдуулах зорилгогүй гэж үзэж түүнийг цагаатгасан байна. 

“Н” болон түүний найз бүсгүй нар нь Гэр бүлийн хүчирхийлэлтэй тэмцэх тухай хуулиар гэрлэлтээ бүртгүүлээгүй боловч харилцан тохиролцсоны үндсэн дээр гэр бүлийн харилцаа үүсгэсэн байгаа түл тэдгээрийг хамтран амьдрагч гэж ойлгохоор хуульд заажээ. 

Шүүхийн шийдвэр таамаглалд үндэслэж болохгүй бөгөөд шүүх хэрэгт авагдсан нотлох баримтыг тал бүрээс нь бүрэн гүйцэд, бодит байдлаар хянаж, яллах, цагаатгах шинж байдлаар нь харьцуулан шинжлэн судалсны үндсэн дээр хэргийг бүхэлд нь хянадаг. 

Санамж: Энэ хураангуй нь шүүхийн бүрэн гүйцэд шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв. Нийслэлийн Эрүүгийн хэргийн давж заалдах шатны шүүхийн магадлалын дэлгэрэнгүйтэй https://shuukh.mn/ холбоосоор танилцана уу.

Хураангуй бэлтгэсэн: Нийслэлийн Эрүүгийн хэргийн давж заалдах шатны шүүхийн шүүгч Т.Шинэбаяр

Холбоосууд:

https://bit.ly/3jMrlbL
https://bit.ly/3IhQ15P

МЭДЭЭ, МЭДЭЭЛЭЛ

2025 оны 01 дүгээр сарын эрэлттэй бүтээлийн чансаа

2 weeks ago

Шүүхээр шийдвэрлэсэн захиргааны хэргийн 2017-2023 оны түүхчилсэн статистик мэдээлэл

3 weeks ago

Ep 32 | Давагдашгүй хүчин зүйл нь Зээлдэгчийг үүргээс чөлөөлөх, багасгах үндэслэл болох уу?

1 month ago

Сэжигтэн П.Цагаан, Ц.Элбэгдорж нарыг баривчлах тухай шүүгчийн захирамжийг хүчингүй болгуулах тухай нийслэлийн прокурор болон мөрдөгчийн саналыг шүүх хүлээн авлаа

1 month ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд