Зөөлөн ултай биеийн тамирын гутлыг аюултай багаж хэрэгсэл гэж үзэв
ХОЛБООНЫ БҮГД НАЙРАМДАХ ГЕРМАН УЛСЫН ДЭЭД ШҮҮХИЙН ШИЙДВЭРИЙН ХУРААНГУЙ
(Эрүүгийн хэрэг)1
САНАМЖ: Энэхүү хураангуй нь хуульч, судлаач, эрх зүйн чиглэлээр суралцагчдад болон олон нийтэд мэдээлэл өгөх зорилготой бөгөөд хураангуйд ашигласан шийдвэр нь гадаад улсын шүүхийн шийдвэр болно.
Шүүхийн шийдвэрийн дугаар: 6 StR 298/22
Шүүхийн шийдвэрийн огноо: 2023 оны 1 дүгээр сарын 25-ны өдөр
Шийдвэрийн төлөв байдал: Муж улсын шүүхийн шийдвэрийг хүчингүй болгосон.
ХЭРГИЙН ТУХАЙ ТОВЧ
А болон Б нар маргалдаж улмаар А нь Б-г гараараа түлхэн, нүүр рүү нь хүчтэй цохисон. Б газар унаж, босох оролдлого хийж байх үед А түүний нүүр рүү “зөөлөн ултай биеийн тамирын гуталтай хөлөөрөө” хүчтэй өшиглөжээ. Уг халдлагын дараа Б-ийн ухаан балартан хэсэг хором ухаангүй хэвтсэн байна.
ХУУЛЬ ХЭРЭГЛЭЭ, ШҮҮХИЙН ШИЙДВЭР
1. Муж улсын шүүх (Landgericht)-ээс шүүгдэгчийг бусдын бие махбодод гэмтэл учруулах гэмт хэргийн хүндрүүлэх шинж болох “амь насанд аюултай байдлаар довтлон бусдын бие махбодод гэмтэл учруулах гэмт хэрэг2 үйлдсэн гэм буруутайд тооцож хоёр жил, найман сарын хугацаагаар хорих ял оногдуулжээ.
2. Прокурор уг шүүхийн шийдвэрийн эсрэг эсэргүүцэл гаргасан бөгөөд тэрээр эсэргүүцэлдээ: Муж улсын шүүх шүүгдэгчийн биеийн тамирын гуталтай хөлөөрөө хохирогчийн нүүр хэсэг рүү цохисон үйл баримтыг аюултай багаж хэрэгсэл ашиглан бусдын бие махбодод гэмтэл учруулсан гэж үзээгүй, харин амь насанд аюултай байдлаар довтолсон хэмээн дүгнэсэн. Шүүгдэгчийн өмссөн биеийн тамирын гутал нь зөөлөн ултай байсан учир аюултай багаж хэрэгсэл ашигласан гэж үзэхгүй гэсэн нь хууль хэрэглээний алдаа” гэжээ.
3. Холбооны Улсын шүүх (Bundesgerichtshof)-ээс гэмт хэрэгтний хөлдөө өмссөн гутлыг Эрүүгийн хуулийн 224 дүгээр зүйлийн 1 дэх хэсгийн 2-т заасан “аюултай багаж хэрэгсэл” хэмээн үзэхдээ гутлын бүрдэл хэсгүүд болон биеийн аль хэсэг рүү хэр хэмжээний хүчтэй цохисон зэрэг тухайн хэргийн нөхцөл байдлыг харгалзан тогтооно.
4. Энгийн бүрдэл хэсгүүдтэй өдөр тутамд өмсөх зориулалт бүхий гутлаар хүний толгой хэсэг рүү өшиглөсөн тохиолдолд уг гутлыг аюултай багаж хэрэгсэлд хамруулан ойлгоно. Хохирогчийн нүүрэн хэсэг рүү хүчтэй өшиглөсөн тохиолдолд дээрх нөхцөл мөн адил үйлчилнэ. (vgl. etwa BGH, Urteil vom 15. September 2010 - 2 StR 395/10, NStZ-RR 2011, 337; Beschluss vom 13. Mai 2015 - 2 StR 488/14 Rn. 4; Urteil vom 28. August 2019 - 5 StR 298/19 Rn. 10).3 Шүүгдэгч хохирогчийн нүүр хэсэг рүү гутлаараа өшиглөсөн үйл баримт тогтоогдсон байна.
5. Дээрх үндэслэлээр Холбооны Улсын шүүхээс прокурорын эсэргүүцлийг хүлээн авч, Муж улсын шүүхийн шийдвэрийг хүчингүй болгожээ.
Орчуулсан: Э.Баасанбямба
Шүүхийн сургалт, судалгаа, мэдээллийн хүрээлэнгийн
Эрүүгийн эрх зүйн судлаач
1 Шүүхийн шийдвэрийг бүрэн эхээр нь үзэх бол энд дарна уу. Шүүхийн шийдвэрийг хураангуйлахдаа эх хувилбарын бүтцийг өөрчилсөн болно.
2 Эрүүгийн хуулийн 224 дүгээр зүйлийн 1 дэх хэсгийн 5-т “хүний амь насанд аюултай аргаар довтлон бусдын бие махбодод гэмтэл учруулсан бол зургаан сараас арван жил хүртэл хугацаагаар хорих ял шийтгэнэ”. https://www.gesetze-im- internet.de/stgb/BJNR001270871.html#BJNR001270871BJNG006603307
3 Гутал нь аюултай багаж хэрэгсэлд хамаарна хэмээн үзсэн шүүхийн шийдвэрийн дугаарууд болно.
Холбоосууд:
МЭДЭЭ, МЭДЭЭЛЭЛ
legal talk+ №03 – Цэц шинэчлэгдэх үү?
4 days ago
"Төв банкны бие даасан, хараат бус байдал, түүний эрх зүйн зохицуулалт" сэдэвт эрдэм шинжилгээний хурал - 2021
4 days ago
Special Ep4: УИХ-ын 2023 оны Хавар, Намрын ээлжит чуулганаар ямар хуулиуд хэлэлцэгдэж байна вэ?
4 days ago
Special Ep3: ChatGPT хуулийн салбарт
1 week ago
ШҮҮХИЙН ШИЙДВЭРИЙН ХУРААНГУЙ
-
Төлбөрийн баримтыг борлуулалтын үнийн дүнгээс зөрүүтэй олгосон бол зөрчлийн тухай хуулийн дагуу хариуцлага хүлээнэ
2024-04-26
-
Мэргэжлийн хариуцлагын даатгалаас бусад тохиолдолд даатгалын гэрээ нь бизнес эрхлэгчийн мөрдвөл зохих хэм хэмжээг зөрчсөний улмаас бий болох хохирлоос сэргийлэх агуулгатай байх боломжгүй
2024-04-25
-
Ашиглалтын тусгай зөвшөөрөл эзэмшигч ба байгаль орчныг хамгаалах, орон нутгийн хөгжилд дэмжлэг үзүүлэх гэрээ
2024-04-19
-
Хууль зүйн үндэсний хүрээлэн
2024-04-28 Судалгааны тайландуудаж байна ! -
Хууль зүйн үндэсний хүрээлэн
2024-04-28 Судалгааны тайландуудаж байна ! -
Judilogy
2024-04-22 Мэдээллийн хуудасдуудаж байна ! -
Tsogoo Lkhagva
2024-04-19 Эрдэм шинжилгээний өгүүлэлдуудаж байна ! -
Шүүхийн сургалт, судалгаа, мэдээллийн хүрээлэн
2024-04-19 Сэтгүүлдуудаж байна ! -
Пүрвээгийн Баттулга, Болор-Эрдэнийн Төрболд
2024-04-19 Эрдэм шинжилгээний өгүүлэлдуудаж байна ! -
Judilogy
2024-04-16 Мэдээллийн хуудасдуудаж байна ! -
Alternative NGO
2024-04-12 Гарын авлага & Аргачлалдуудаж байна ! -
Баттулгын Дөлгөөн
2024-04-10 Эрдэм шинжилгээний өгүүлэлдуудаж байна ! -
Зоригтбаатарын Ганзориг, Мөнхтөмөр Маралмаа, Баттөрийн Мягмарсүрэн, Нээлттэй Нийгэм Форум, Равданбямбын Оюундэлгэр, Бат-Эрдэм Төрбат
2024-04-10 Судалгааны тайландуудаж байна !