Хууль бус шийдвэрийн улмаас төрд учирсан хохирлыг шийдвэр гаргасан этгээд өөрөө хариуцна

2023-02-09 Чингэлтэй дүүргийн Иргэний хэргийн анхан шатны шүүх

Шүүхийн шийдвэрийн  огноо, дугаар:   2020.01.14,  182/ШШ2020/00118

Шийдвэрийн төлөв: Хүчин төгөлдөр

2022.12.15 шийдвэр- тойм 9     

Төрийн байгууллага шүүхэд хандаж “....газрын даргын албан үүргийг гүйцэтгэж байсан Ч нь тус газар ажиллаж байсан Б-г ажлаас үндэслэлгүй чөлөөлснөөс ажилтны ажилгүй байсан хугацааны цалин хөлстэй тэнцэх олговрыг төсвөөс олгосон учир уг хууль бус тушаалын улмаас олгосон олговорыг Ч-гээс гаргуулах” гэжээ.

Төрийн байгууллагын дарга Ч ажилтан Б-г үүрэгт ажлаас чөлөөлсөн тушаалыг гаргасныг эс зөвшөөрч Б гомдлоо шүүхэд гаргаж, шүүхээс Ч-ийн гаргасан тушаалуудыг Хөдөлмөрийн холбогдох хуулийн зохицуулалтад нийцээгүй үндэслэлээр ажилд нь эгүүлэн тогтоосон бөгөөд шийдвэр хуулийн хүчин төгөлдөр болсон, байгууллага шүүхийн шийдвэрийг биелүүлж Б-д ажилгүй байсан хугацааны цалин хөлстэй тэнцэх олговрыг улсын төсвөөс олгосон үйл баримт тогтоогдсон.

Иргэн, хуулийн этгээдийн хохирлыг барагдуулсны улмаас өөрт учирсан хохирлыг захиргааны байгууллага гэм буруутай албан тушаалтнаар буцааж төлүүлэх талаар хуулиар зохицуулсан байдаг.

Төрийн байгууллагын дарга бүрэн эрхийнхээ хүрээнд ажилтныг ажлаас чөлөөлөх тушаал гаргахдаа хуульд нийцүүлж тушаал, шийдвэр гаргах үүрэгтэй ба өөрт олгогдсон эрх, үүргээ хэрэгжүүлэх явцдаа илтэд болгоомжгүй үйлдлээр буюу өөрийн зүгээс идэвхтэй үйлдлийг хуульд заасны дагуу явуулаагүй, гарах үр дагаврыг мэдсээр байж хайнга болгоомжгүй хандсанаар хууль бус тушаал, шийдвэрийг гаргаж байгууллагад хохирол учруулжээ.

Шүүх хууль бус тушаал шийдвэр гаргасан этгээдийн төрд учруулсан хохирлыг захиргааны байгууллага нэхэмжилсэн нь үндэслэлтэй гэж үзсэн.

Санамж: Энэ тойм нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв.

Шүүхийн шийдвэрийг бүрэн эхээр нь үзэх бол энд дарна уу.

Тойм бэлтгэсэн: Чингэлтэй дүүргийн Иргэний хэргийн анхан шатны шүүхийн шүүгч И.Амартөгс

Холбоосууд:

https://bit.ly/3I9CsF5
https://bit.ly/40K0UV5

МЭДЭЭ, МЭДЭЭЛЭЛ

S2EP19. П.Намуун - Хууль бусаар мөрдөж мөшгих гэмт хэргийн шүүхийн шийдвэрт хийх дүн шинжилгээ

17 hours ago

2025 оны 4 дүгээр сарын эрэлттэй бүтээлийн чансаа

1 week ago

“Легал дата"-ийн ТУЗ-ийн дарга, доктор, олон улсын арбитрч Т.Алтангэрэл Сингапурын Олон Улсын Арбитрын Төв, Хөрөнгө Оруулалтын Маргаан Шийдвэрлэх Олон Улсын Төв, БНСУ-ын Арилжааны Арбитрын Зөвлөлийн арбитрчаар томилогдон ажиллаж байна

2 weeks ago

2025 оны 3 дугаар сарын эрэлттэй бүтээлийн чансаа

1 month ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд