Орон нутгийн өмчлөлийн эд зүйл хасагдах нь захиргааны чиг үүрэгт шууд нөлөөлөхгүй

2023-03-29 Архангай аймаг дахь Захиргааны хэргийн анхан шатны шүүх

Шүүгчийн захирамжийн огноо, дугаар: Архангай аймаг дахь Захиргааны хэргийн анхан шатны шүүхийн шүүгчийн 2021.12.15-ныөдрийн 109/Ш32021/0367

Тоймын огноо, дугаар: 2023 оны 01 дүгээр сарын 11, Дугаар 3

Тоймын төрөл: хэрэг хянан шийдвэрлэх ажиллагааны тойм

Шийдвэрийн төлөв: Хүчин төгөлдөр болсон

Санамж: Энэхүү тойм нь шүүхийн шийдвэрийг орлохгүй бөгөөд олон нийтийг мэдээллээр хангах зорилготой болно

Аймгийн Иргэдийн Хурлын тогтоолоор орон нутгийн өмчит Х хуулийн этгээдийг Ө сумын Иргэдийн хурлын мэдэлд шилжүүлсэн байна. Гэвч хэсэг хугацааны дараа дээрх шийдвэрээ хүчингүй болгож, буцаагаад өөрийн өмчлөлд шилжүүлсэн тогтоол гаргажээ.

Сум энэхүү тогтоолыг эс зөвшөөрч, "нэгэнт манай сумын өмчлөлд уг хуулийн этгээдийг шилжүүлсэн учир үүнийгээ өөрчлөх эрхгүй” гэж маргаж, захиргааны хэргийн шүүхэд нэхэмжлэл гаргав.

Шүүх уг нэхэмжлэлийг хүлээн авахаас татгалзаж шийдвэрлэсэн.

Учир нь захиргааны хэргийн шүүх нь хоёр захиргааны байгууллага хоорондын маргааныг шийдэхдээ зөвхөн хуульд заасан тусгай шаардлагыг хангасан тохиолдолд хэрэг үүсгэн, шалгах зарчимтай. Бусад тохиолдолд, захиргааны байгууллага болон иргэд хоорондын маргааныг шийдэх зорилгоор захиргааны хэргийн шүүх байгуулагдсан юм.

Тухайлбал, захиргааны байгууллага нь нийтийн захиргааны чиг үүргээ хэрэгжүүлэхтэй холбоотой асуудлаар зөвхөн хуульд тусгайлан заасан тохиолдолд л захиргааны байгууллагынхаа хувиар нэхэмжлэгч байх боломжтой байдаг. Тодруулбал, хуулиар тусгайлан маргах эрх олгогдсон тохиолдолд л захиргааны байгууллага нэхэмжлэгч байх боломжтой байхаар зохицуулжээ.

Захиргааны байгууллагын хувьд нийтийн эрх зүйн хүрээнд захиргааны байгууллага нийтэд үйлчлэх чиг үүргээ хэрэгжүүлэх боломжгүй болсон тохиолдолд нэхэмжлэл гаргах эрхтэй байдаг, энэхүү маргааны тухайд дээрх нөхцөл байдал бий болоогүй гэж шүүх үзсэн.

Учир нь тухайн орон нутгийн өмчит хуулийн этгээд сумын өмчлөлөөс гарснаар сум өөрийн чиг үүргээ хэрэгжүүлэх боломжгүй болох үр дагавар үүсэхгүй, өөр бусад байдлаар чиг үүргээ хэрэгжүүлэх бүрэн боломжтой.

Тоймыг бэлтгэсэн: Архангай аймаг дахь

Захиргааны хэргийн анхан шатны шүүхийн шүүгч А.Түвшинтулга

Холбоосууд:

https://bit.ly/3nsOeTj

МЭДЭЭ, МЭДЭЭЛЭЛ

2025 оны 01 дүгээр сарын эрэлттэй бүтээлийн чансаа

2 weeks ago

Шүүхээр шийдвэрлэсэн захиргааны хэргийн 2017-2023 оны түүхчилсэн статистик мэдээлэл

3 weeks ago

Ep 32 | Давагдашгүй хүчин зүйл нь Зээлдэгчийг үүргээс чөлөөлөх, багасгах үндэслэл болох уу?

1 month ago

Сэжигтэн П.Цагаан, Ц.Элбэгдорж нарыг баривчлах тухай шүүгчийн захирамжийг хүчингүй болгуулах тухай нийслэлийн прокурор болон мөрдөгчийн саналыг шүүх хүлээн авлаа

1 month ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд