Бага насны хүүхдүүдээ олон нийтийн газарт санаатай орхиж явсан эцэгт ял оногдуулав

2023-01-10 Чингэлтэй дүүргийн Эрүүгийн хэргийн анхан шатны шүүх

Туршилтаар

 

Шийдвэрийн дугаар: 2022/ШЦТ/162

Шийдвэрийн төлөв:   Хүчин төгөлдөр болсон 

Шийдвэрийн хураангуй-7

Иргэн Зэлэм, Наран нар хамтран амьдарч, тэдний дундаас 2018 онд 1 сард охин Сод, 2019 оны 4 дүгээр сард охин Норов нар мэндэлжээ. 

2018 оны 08 дугаар сард Наран нь Зэлэмийг өөр эхнэр, хүүхэдтэй гэдгийг мэдэж дээрх асуудлын улмаас маргалдаж Наран өөрийн хүүхдүүд болох Сод, Норов нартай тусдаа амьдарч эхэлсэн байна.

Нарангийн түрээслэн амьдарч байсан байрны түрээсийн хугацаа дууссан, ажил хийж мөнгө олох, эрүүл мэндийн шалтгаан гарсан зэрэг бусад шаардлагаар харах хүнгүй болсон тул хүүхдүүдийг асран хамгаалуулахаар 2021 оны 02 дугаар сарын 05-ны өдөр төрсөн эцэг Зэлэмд гэрт нь аваачиж, хүлээлгэн өгчээ. 

Гэтэл эцэг Зэлэм нь Сод, Норов нарын төрсөн эцэг мөн атлаа хуулиар хүлээсэн асран хамгаалах, харгалзан дэмжих үүргээсээ зайлсхийж 3 настай Сод, 1 ой гарантай Норов нарыг 2021 оны 02 дугаар сарын 09-ний өдөр Чингэлтэй дүүргийн 5 дугаар хорооны нутаг дэвсгэрт байрлах “GGGG” товерын дугаар давхарт орхиж явсан байна.

Эрүүгийн хуульд зааснаар, хүүхдийг асран хамгаалах үүрэг хүлээсэн эцэг, эх, асран хамгаалагч, харгалзан дэмжигч нь уг үүргээсээ зайлсхийж, “… хүүхдийг хаясан, орон гэрээ олох боломжгүй газар орхисон, хүүхдийг оршин суугаа газраас нь хөөж тэнүүчлэхэд хүргэсэн” бол гэмт хэрэгт тооцож, 5,400,000-27,000,000 төгрөгөөр торгох, эсхүл 240-720 цаг хүртэл хугацаагаар нийтэд тустай ажил хийлгэх, эсхүл 1-5 жил хүртэл хүртэл хугацаагаар зорчих эрхийг хязгаарлах, эсхүл 1-5 жил хүртэл хугацаагаар хорих ял шийтгэхээр хуульчилжээ.

Шүүхээс шүүгдэгчийг Зэлэмийг Эрүүгийн хуулийн тусгай ангид зааснаар 7,000 нэгжтэй тэнцэх хэмжээний буюу 7,000,000 төгрөгөөр торгох ял оногдуулж шийдвэрлэв.

Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно. 

Шийдвэрийг бүтнээр нь үзэх бол ЭНД дарна уу.

Хураангуй бичсэн: Чингэлтэй дүүргийн Эрүүгийн хэргийн анхан шатны шүүхийн шүүгч П.Ариунболд

Холбоосууд:

https://bit.ly/3WWM6A1

МЭДЭЭ, МЭДЭЭЛЭЛ

Монгол Улсын Иргэний хуулийн тайлбарыг legaldata.mn-д байршуулна.

2 days ago

2024 оны 11 дүгээр сарын эрэлттэй бүтээлийн чансаа

2 weeks ago

Хуульчийн ажлын байрны үзэсгэлэн яармаг 2024 арга хэмжээнд хэлэлцэх хэлэлцүүлэг болон ярилцлагын сэдэв, зочид

2 weeks ago

Хуульчийн ажлын байрны үзэсгэлэн яармаг болно

3 weeks ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд