Д.Цоггэрэлийн нэхэмжлэлтэй, Улсын бүртгэлийн ерөнхий газарт холбогдох “Талст молор” ХХК-ийн хувьцаа эзэмшигчийн бүртгэлтэй холбогдох маргааныг шийдвэрлэсэн талаар
Шүүхийн шийдвэрийн огноо, дугаар: 2022.10.14-ний өдрийн 128/ШШ2022/0764
Шийдвэрийн төлөв: Хүчин төгөлдөр болоогүй
2023.01.11 Шийдвэрийн тойм-13
Нэхэмжлэгч Д.Цоггэрэл шүүхэд хандан өөрийн 100 хувийн хувьцааг эзэмшиж байсан “Талст молор” ХХК-ийн хувьцааны 95 хувийн хувьцааг “Бэлэглэлийн гэрээ”-ээр Б.Мөнхтөрд шилжүүлсэн байхад Улсын бүртгэлийн ерөнхий газрын Хуулийн этгээдийн улсын бүртгэлийн газар нь хуурамч “Худалдах-худалдан авах гэрээ”-г үндэслэн компанийн хувьцаа эзэмшигчдийн дүрэмд өөрчлөлт оруулсан улсын бүртгэлийг хийсэн гэж маргаж, холбогдох улсын бүртгэлийг хүчингүй болгуулахаар нэхэмжлэл гаргасан.
Хэрэгт авагдсан баримтуудаас үзэхэд, “Талст молор” ХХК-ийн Хувьцаа эзэмшигчийн шийдвэрээр Б.Мөнхтөрийг компанийн хөрөнгө оруулалтад хандив өргөсөн тул Д.Цоггэрэлийн эзэмшлийн 100 хувийн хувьцаанаас 95 хувийн хувьцааг бэлэглэлээр шилжүүлэх, Д.Цоггэрэлийг захирлаас чөлөөлж, Б.Мөнхтөрийг захирлаар томилж тус тус шийдвэрлэсэн байсан.
Компанийн энэ дүрмийн өөрчлөлтийг Улсын бүртгэлд бүртгүүлэх өргөдөлд “Талст молор” ХХК-ийн 95 хувийн хувьцааг “бэлэглэлийн гэрээ”-ээр Б.Мөнхтөрд шилжүүлсэн, үүсгэн байгуулагчийн тоо 2 болж өөрчлөгдсөн, гүйцэтгэх захирлаар Б.Мөнхтөрийг томилно гэх мэдээллийг тусгаж, өргөдөлдөө Компанийн Хувьцаа эзэмшигчийн шийдвэр, Компанийн хувьцаа худалдах, худалдан авах тухай гэрээ, Компанийн эрх шилжүүлэх гэрээ, хуулийн этгээдийн улсын бүртгэлийн гэрчилгээ зэргийг тус тус хавсаргажээ.
Хувьцаа эзэмшигчийн шийдвэр, Компанийн хувьцаа худалдах, худалдан авах тухай гэрээнд зурсан Д.Цоггэрэлийн гарын үсэг түүний гарын үсгийн хэвтэй тохирч байгаа болох нь шинжээчийн дүгнэлтээр тогтоогдсон тул Д.Цоггэрэлийг уг гэрээг байгуулсан болох нь нотлогдсон гэж дүгнэсэн.
Энэ үйл баримтуудаас харвал, Д.Цоггэрэл нь “Талст молор” ХХК-д эзэмшиж байсан 100 хувийн хувьцааныхаа 95 хувийг Б.Мөнхтөрийн өмчлөлд шилжүүлэх хүсэл зориг байсан, түүнийгээ бичгээр илэрхийлснийг баталгаажуулсан нотариатын үйлдэл хүчин төгөлдөр байх бөгөөд Д.Цоггэрэлээс Б.Мөнхтөртэй “Бэлэглэлийн гэрээ” байгуулж байсан гэх үйл баримт нотлогдоогүй тул Д.Цоггэрэлээс хариуцагч Улсын бүртгэлийн ерөнхий газрыг ийм баримтыг шаардах ёстой байсан гэж буруутгасныг хууль зүйн хувьд боломжгүй гэж шүүх үзсэн.
Мөн компанийн эрх шилжүүлснийг бүртгүүлэх, гүйцэтгэх удирдлагын мэдээллийг бүртгүүлэхээр мэдүүлсэн мэдүүлэг, түүнд хавсаргаж ирүүлсэн материалууд дээрх зарим гарын үсэг Б.Мөнхтөрийн гарын үсэг биш болох нь шинжээчийн дүгнэлтүүдээр тогтоогдож байгаа ч энэ гарын үсэг нь Д.Цоггэрэлийн хүсэл зоригийн үнэн баримтыг гуйвуулсан, худал мэдээлэл агуулсан шинжгүй байгаа буюу өөрөөр хэлбэл, Д.Цоггэрэлийн хүсэл зориг болох өөрийн өмчлөлд хамаарах 95 хувийн хувьцааг Б.Мөнхтөрд шилжүүлэх хүсэл зоригийн агуулгыг гуйвуулаагүй тул улсын бүртгэл хууль зөрчөөгүй гэж үзэн, эдгээр үндэслэлүүдээр нэхэмжлэлийг хэрэгсэхгүй болгож шийдвэрлэсэн.
Санамж: Энэ тойм нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.
Шүүхийн шийдвэрийг бүрэн эхээр нь үзэх бол ЭНД дарна уу.
Тойм бэлтгэсэн: Нийслэл дэх Захиргааны хэргийн анхан шатны шүүхийн шүүгч Д.Эрдэнэчимэг, Т.Мөнх-Эрдэнэ, Г.Мөнхтулга
Холбоосууд:
МЭДЭЭ, МЭДЭЭЛЭЛ
Ц.Сарантуяа: Цэц үндсэн эрхийг хамгаалах нь Үндсэн хуулийг хамгаалахтай агаар нэг
12 hours ago
Т.Алтангэрэл: Цэц одоогийнх шиг, хийсвэр хяналт хэрэгжүүлбэл Үндсэн хууль ард түмний хууль болж чадахгүй
1 day ago
legal talk+ №01 – Шүүх нээлттэй юу?
1 day ago
The 𝟓 𝐭𝐡 international conference on the fundamental issues of constitutional, administrative and economic law
4 days ago
ШҮҮХИЙН ШИЙДВЭРИЙН ХУРААНГУЙ
-
Цар тахлын улмаас орон сууцны барилгын төсөвт өртөг нэмэгдсэн тохиолдолд талууд эрсдэлийг хариуцах асуудал
2024-03-29
-
Давж заалдах шатны шүүх хэргийг бүхэлд нь хянахдаа гомдол гаргагчийн эрх ашгийг дордуулахгүй байх зарчимд захирагдана
2024-03-22
-
“Залилах” гэмт хэргийг хөрөнгө завших гэмт хэрэг болон иргэний эрх зүйн гэрээний маргаанаас ялгах нь
2024-03-20
-
Шүрэнцэцэгийн Алтансоёмбо
2024-03-29 Эрдэм шинжилгээний өгүүлэлдуудаж байна ! -
Лхамсүрэнгийн Отгонбаяр
2024-03-29 Эрдэм шинжилгээний өгүүлэлдуудаж байна ! -
Монгол Улсын Дээд шүүх
2024-03-29 Сэтгүүлдуудаж байна ! -
Шүрэнцэцэгийн Алтансоёмбо
2024-03-26 Эрдэм шинжилгээний өгүүлэлдуудаж байна ! -
Judilogy .
2024-03-25 Мэдээллийн хуудасдуудаж байна ! -
Нээлттэй Нийгэм Форум
2024-03-22 Судалгааны тайландуудаж байна ! -
Тайванхүүгийн Алтангэрэл Carlos Escudero
2024-03-21 Судалгааны тайландуудаж байна ! -
Одонхүүгийн Мөнхсайхан
2024-03-20 Эрдэм шинжилгээний өгүүлэлдуудаж байна ! -
Хаянхярваагийн Сэлэнгэ
2024-03-18 Эрдэм шинжилгээний өгүүлэлдуудаж байна ! -
Judilogy .
“Залилах” гэмт хэргийг хөрөнгө завших гэмт хэрэг болон иргэний эрх зүйн гэрээний маргаанаас ялгах нь2024-03-18 Мэдээллийн хуудасдуудаж байна !