Тарваганы ороомог нь амьтан хэмээх категорит хамаарахгүй тул “хууль бусаар амьтныг тээвэрлэсэн” гэх зөрчлөөр зүйлчлэх үндэслэлгүй

2024-09-17 Нийслэл дэх Захиргааны хэргийн анхан шатны шүүх

Шүүхийн шийдвэрийн огноо, дугаар: 2024.03.18-ны өдрийн 128/ШШ2024/0240

Шийдвэрийн төлөв: Хүчин төгөлдөр болсон

Иргэн Ц нь 2023 оны 12 дугаар сарын 11-ний өдөр Сонгинохайрхан дүүргийн Эмээлт дэх хяналтын постоор 18 ширхэг тарваганы ороомог тээвэрлэж явсныг Экологийн цагдаагийн албаны дэд ахлагч С саатуулан илрүүлжээ.

Улмаар 18 ширхэг тарваганы ороомгийг эрх бүхий байгууллагын зөвшөөрөлгүй тээвэрлэсэн Ц-ийн үйлдэлд зөрчлийн хэрэг нээж, 2024 оны 01 дүгээр сарын 17-ны өдрийн ХХ дугаар шийтгэлийн хуудсаар Зөрчлийн тухай хуулийн 7.6 дугаар зүйлийн 4 дэх хэсэгт заасны дагуу хууль бусаар амьтныг тээвэрлэсэн гэж буруутган 300.000 төгрөгийн торгууль, 14.760.000 төгрөгийн нөхөн төлбөр ногдуулсан байна.

Иргэн Ц уг шийтгэлийн хуудсыг эс зөвшөөрч, “... амьтан тээвэрлээгүй, харин тарваганы махаар хийсэн ороомог гэх бүтээгдэхүүн тээвэрлэж явсан үйлдэлд хариуцлага хүлээлгэснийг зөвшөөрөхгүй ...” гэж шүүхэд ханджээ.

Шүүхээс “иргэн Ц-ийн тээвэрлэж явсан тарваганы ороомог нь тарвага гэх бие, организмын тогтолцоо бүхий мөлхөгч амьтны шинжийг алдсан буюу хүнсний бүтээгдэхүүн болсон байх тул хууль бусаар амьтныг тээвэрлэсэн гэх зөрчилд хамаарахгүй, өөрөөр хэлбэл, амьтны махаар боловсруулсан хүнсний бүтээгдэхүүнийг амьтан гэж үзэх боломжгүй нөхцөл байдалд торгох шийтгэл ногдуулж, нөхөн төлбөр ногдуулах хууль зүйн үндэслэлгүй” гэж дүгнэв.

Санамж: Энэ хураангуй нь бүрэн гүйцэд шүүхийн шийдвэр биш бөгөөд түүнийг орлохгүй, зөвхөн шүүхийн шийдвэрийг олон нийтэд ойлгомжтой байдлаар мэдээлэн хүргэх зорилготой болно.

Шүүхийн шийдвэрийг бүрэн эхээр нь унших бол энд дарна уу. 

Тойм бэлтгэсэн: Нийслэл дэх Захиргааны хэргийн анхан шатны шүүхийн
шүүгч Т.Мөнх-Эрдэнэ

Холбоосууд:

https://rb.gy/ko2qxq

МЭДЭЭ, МЭДЭЭЛЭЛ

2025 оны 01 дүгээр сарын эрэлттэй бүтээлийн чансаа

2 weeks ago

Шүүхээр шийдвэрлэсэн захиргааны хэргийн 2017-2023 оны түүхчилсэн статистик мэдээлэл

3 weeks ago

Ep 32 | Давагдашгүй хүчин зүйл нь Зээлдэгчийг үүргээс чөлөөлөх, багасгах үндэслэл болох уу?

1 month ago

Сэжигтэн П.Цагаан, Ц.Элбэгдорж нарыг баривчлах тухай шүүгчийн захирамжийг хүчингүй болгуулах тухай нийслэлийн прокурор болон мөрдөгчийн саналыг шүүх хүлээн авлаа

1 month ago

Бусад мэдээ, мэдээлэл

ШҮҮХИЙН ШИЙДВЭРИЙН ХУРААНГУЙ

Бүгд