Фейсбүүкээр мөрийтэй тоглоом “покер” зохион байгуулж, орлого олсон этгээдэд эрүүгийн ял оногдуулж, олсон орлогыг нь хураав
Туршилтаар
Шийдвэрийн дугаар: 2022 оны 1 сарын 13-ны өдөр 72
Шийдвэрийн төлөв: хүчин төгөлдөр болсон
2022.9.5 шийдвэр-хураангуй 4
Иргэн Болд нь фэйсбүүк ашиглан, шууд бичлэг хийх замаар “Покер” нэртэй мөрийтэй тоглоом зохион байгуулж, нэг тоглолтод 10.000 - 20.000 төгрөг, нийт 5.891.500 төгрөгийг өөрийн “Хаан” банкны дансаар бусдаас шилжүүлэн авчээ.
Эрүүгийн хуульд зааснаар, Олон нийтийн газар, эсхүл мэдээллийн технологи ашиглан ашиг олох зорилгоор шоо, хөзөр, бусад эд зүйл ашиглан үр дүнг нь урьдчилан төсөөлөх боломжгүй, аз туршиж тоглодог мөрийтэй тоглоом зохион байгуулсаныг гэмт хэрэгт тооцож, үйлдсэн этгээдийг дөрвөн зуун тавин нэгжээс арван дөрвөн мянган нэгжтэй тэнцэх хэмжээний төгрөгөөр торгох, эсхүл хоёр зуун дөчин цагаас долоон зуун хорин цаг хүртэл хугацаагаар нийтэд тустай ажил хийлгэх, эсхүл зургаан сараас гурван жил хүртэл хугацаагаар зорчих эрхийг хязгаарлах, эсхүл зургаан сараас гурван жил хүртэл хугацаагаар хорих ял шийтгэхээр заасан.
Прокуророос Болдыг ашиг олох зорилгоор, хөзрөөр үр дүнг нь урьдчилан төсөөлөх боломжгүй аз туршиж тоглодог мөрийтэй тоглоом зохион байгуулах гэмт хэрэг үйлдсэн хэмээн дүгнэж, яллах дүгнэлт үйлдэн хэргийг шүүхэд шилжүүлсэн байна.
Анхан шатны шүүхээс иргэн Болдыг мөрийтэй тоглоом зохион байгуулах гэмт хэрэг үйлдсэн гэм буруутайд тооцож, түүнд 450.000 төгрөгөөр торгох ял оногдуулж, гэмт хэрэг үйлдэж олсон хөрөнгө, орлогыг гэмт хэрэг үйлдсэн хүн, хуулийн этгээдийн хөрөнгө, орлогоос албадан гаргуулахаар хуульд заасны дагуу Болдын мөрийтэй тоглоом зохион байгуулж олсон орлого болох 5.891.500 төгрөгийг түүнээс албадан гаргуулж, улсын орлого болгохоор шийдвэрлэжээ.
Шүүгдэгч Болдын өмгөөлөгчөөс “... 5.891.500 төгрөгийн ашиг олоогүй тул шүүхийн шийдвэрт өөрчлөлт оруулах” агуулгаар гаргасан гомдлоор давж заалдах шатны шүүх хэргийг хянаад, анхан шатны шүүхийн шийдвэр үндэслэлтэй бөгөөд шийдвэрийн үндэслэл болсон гэрчүүдийн мэдүүлэг, дансны хуулга зэрэг баримтуудаар бусдаас авсан 5.891.500 төгрөгийг өөрийн хувийн хэрэгцээнд зарцуулж, ашиг олсон болох нь тогтоогдсон гэж үзэн давж заалдах гомдлыг хэрэгсэхгүй болгож шийдвэрлэв.
Санамж: Энэ хураангуй нь шүүхийн бүрэн гүйцэд шийдвэр биш бөгөөд түүнийг орлохгүй, зөвхөн олон нийтэд ойлгомжтой байдлаар мэдээлэл хүргэх зорилготой болохыг тэмдэглэв. Нийслэлийн Эрүүгийн хэргийн давж заалдах шатны шүүхийн магадлалын дэлгэрэнгүйтэй энд дарж танилцана уу.
Хураангуй бэлтгэсэн: Нийслэлийн Эрүүгийн хэргийн
давж заалдах шатны шүүхийн шүүгч Г.Есөн-Эрдэнэ
Холбоосууд:
ШҮҮХИЙН ШИЙДВЭРИЙН ХУРААНГУЙ
-
Гэрч үнэн зөв мэдүүлэг өгөхөө илэрхийлж баталгаа гаргаснаас хойш худал мэдүүлбэл эрүүгийн хариуцлага хүлээнэ
2023-10-02
-
Орой, эчнээ анги төгссөн эрх зүйчийг суралцсан хугацаа нь 4 жилээс багагүй байх шаардлагыг хангаагүй гэх үндэслэлээр хуульчийн мэргэжлийн шалгалтад бүртгэхээс татгалзсан нь үндэслэлгүй
2023-09-29
-
Нар хааж баригдсан боловч нэгэнт комисс хүлээн авсан бол яах ч аргагүй юу?
2023-09-22
-
Хууль зүйн үндэсний хүрээлэн
2023-10-03 Сэтгүүлдуудаж байна ! -
Эрдэнэбаатарын Анхбаяр, Галаагийн Хонгор
2023-10-02 Гарын авлага & Аргачлалдуудаж байна ! -
Judilogy
2023-10-02 Мэдээллийн хуудасдуудаж байна ! -
Монгол Улсын Дээд шүүх
2023-09-29 Сэтгүүлдуудаж байна ! -
Бадамцэцэгийн Зулцэцэг
2023-09-28 Эрдэм шинжилгээний өгүүлэлдуудаж байна ! -
Бат-Эрдэнийн Оюун-Эрдэнэ
2023-09-28 Эрдэм шинжилгээний өгүүлэлдуудаж байна ! -
Монгол Улсын Дээд шүүх
2023-09-27 Сэтгүүлдуудаж байна ! -
Эрдэнэцогтын Тамир С.Номынбаясгалан
2023-09-26 Эрдэм шинжилгээний өгүүлэлдуудаж байна ! -
Нямдоогийн Баярмаа
2023-09-26 Эрдэм шинжилгээний өгүүлэлдуудаж байна ! -
Энтимема эрдэм шинжилгээний клуб
2023-09-25 Мэдээллийн хуудасдуудаж байна !